ဗိုလ်သန်းရွှေတို့အတွက် ပေးစာ

အကြောင်းတရားနဲ့ အကျိုးတရား ဆက်စပ်မှုကို သိပ်ရှင်းပြဖို့မလိုပဲ သည်နေ့လူငယ်တွေ သိနေကြပြီဖြစ်
မည်ထင်ပါတယ် ။ အကျိုးတရား အားလုံးဟာ အကြောင်းတရားနဲ့ ကင်းတာမရှိပါဘူး ၊ အကြွေးဆိုတာလည်း အကျိုးတရား အများထဲကတခုဖြစ်ပါတယ် ၊ ယူ ထိုက်ခြင်း ( သို့ ) ဖန်တီးလိုက်ခြင်းက အကြောင်းတရားဖြစ်ပြီး
ပေးဆပ်ဖို့ အကျိုးတရားဖြစ်ပါတယ် ။ တချို့တချို့တွေကတော့ ခပ်တိုတိုပဲ လောကကြီးကို အပေးနဲ့ အယူ နှစ်ခု
တည်းနဲ့တည်ဆောက်ထားတာပါလို့ အဓိပ္ပာယ်ဖွင့်ခဲ့ကြပါတယ် ၊ ယူလိုက်တဲ့ အတွက်တင်လိုက်တာက အကြွေး
ပါ ၊ အကြွေးဆိုတာနဲ့ ပေးဆပ်ရမယ့် သဘောဆောင်ပါတော့တယ် ။

အကြွေးရဲ့ ပုံသဏ္ဍာန်အမျိုးမျိုးကို တခါတလေစဉ်းစားကြည့်မိဖူးပါတယ် ၊ ပေးဆပ်ရတဲ့ သဘောကိုလဲ
တွေ့ခဲ့ရပါတယ် ။ အချိန်ကာလ ကွာခြားတာပဲရှိပါတယ် ၊ တချိန်ချိန်ပေးဆပ်ဖြစ်အောင် ပေးဆပ်ရတက်ပါတယ် ။
ထူးဆန်းတာက လောကကြီးက ပေးဆပ်ခွင့်ကြုံအောင်လို့ ဖန်တီးပေးထားတက်လို့ပါပဲ ။

အကြွေးတိုင်းမှာ အတိုးပါလေ့ရှိပါတယ် ၊ ကာလကြမှပေးဆပ်ရရင် အတိုးအတွက်က နင့်အောင် ဖြစ်သွားတက်ပါ
တယ် ။ ငွေကြေးသဘောနဲ့ ချေးငှားလို့ တင်ရှိတဲ့ အကြွေးမှာ စောစောဆပ်ဖြစ်ရင် အတိုးနည်းသလို ကာလကြာမှ
ပေးဆပ်ရင် အတိုးများတက်ပါတယ် ၊ ကံ - ကံ၏အကျိုးမှာလည်း သည်သဘောကို သတိထားမိမှပါ ၊ ကံ အကျိုး
ပေးမြန်ရင် အတိုးနည်းသလို ၊ နောက်ကျမှပေးတဲ့ က့မှာ အတိုးများတက်တာ သတိထားကြည့်ရင်တွေ့နိုင်မှပါ ။
ခြုံငုံပြီး အကျိုးပေးလို့ သုံးနှုန်းပေမယ့် အဲဒီ အကျိုးပေးမှာ ကောင်းတာရော ၊ မကောင်းတာပါ ပါဝင်တက်ပါတယ် ။

အကြွေးကို ယူသူဖက်ကပေးဆပ်ရတက်သလို ၊ ပြောင်းပြန်စဉ်းစားရင် ပေးသူဖက်ကလည်း ပြန်ရတက်ပါတယ် ။
ယူသူဖက်က အတိုးပေးရသလို ပေးသူဖက်ကလည်း အတိုးရပါတယ် ၊ ကောင်းမှုရော ၊ မကောင်းမှုပါ အကျုံးဝင်
တာပါ ။ ငွေကြေးချေးငှားသူတွေမှာ အတိုးရော အရင်းပါ ပေးဆပ်ကြရတာဟာ သဘာဝတခုပါပဲ ၊ တချို့စိတ်သ
ဘောထားမမှန်ပဲ ဥပဒေကို လက်တလုံးခြားလုပ်ပြီး မပေးဆပ်ပဲနေရင်တောင် တနည်းနည်းနဲ့ ယူထားတာထက်
ပိုတဲ့ တန်ဖိုးကို ပြန်လည်းပြီးတော့ ပေးဆပ်ကြရပါတယ် ။

ဗုဒ္ဓဘာသာမှာ တူသောအကျိုး ဆိုတာ ထင်ရှားစွာရှိပြီး ဗုဒ္ဓဘာသာဝင်တိုင်း မမှိတ်မသုန်ယုံကြည်ရတဲ့ ယဲုကြည်
ချက်တခုပါပဲ ။ ရှေးက မျက်လုံးတလုံးဆုံးရှုံးရင် မျက်လုံးတလုံး ၊ သွားတချောင်းဆုံးရှုံးရင် သွားတချောင်း ဆိုတာ
လက်စားချေခြင်း ၊ အဓိပ္ပာယ်ဆောင်ပေမယ့် လောကနိယမအရ ကြည့်ရင် အကြောင်းတစုံတရာနဲ့ တူသော
အကျိုးပြန်ခံစားတက်တယ်ဆိုတာ နားလည်သဘောပေါက်သင့်ပါတယ် ။

ဗုဒ္ဓရဲ့ လက်ဝဲယံဖြစ်တဲ့ ရဟန္တာကြီး ရှင်မောဂ္ဂလန်တောင်မှ ခိုးသားငါးရာ လက်ကမရှောင်နိုင်ပဲ အသက်ကြွေးဆပ်
ခဲ့ရသေးရင် ဘာမဟုတ်တဲ့ ဗိုလ်သန်းရွှေတို့လို လူတွေဆို ဆံချည်တမျှင်မျှ အကြွေးက လွတ်နိုင်မှာ မဟုတ်တာ
အသေအချာပါပဲ ၊ ၀ဋ်ဆိုတာ တစ်ပတ်လည်ပြီး အကျိုးပေးတက်တဲ့ အရာပါ ၀ဋ်မှာအမြဲဆိုတာကြောင့် ရှောင်လို့
လည်းမရသလို ၊ တူသောအကျိုးဆိုတာကြောင့် ကိုယ်လုပ်ခဲ့သမျှ ထပ်တူပြန်ပြီး ခံစားရမှာပါပဲ ၊ တူဖြစ်တုန်းက
အချက်များများထုခဲ့ ရင်တော့ ကိုယ့်အလှည့်နွဲ့လို့မရတော့ပါဘူး ၊ အဲဒီတော့ အကြွေးဆိုတာ ကြောက်စရာပါပဲ ။

ဘာမှာမဟုတ်တဲ့ ငွေကြေး ဆိုတဲ့ အကြွေးရှိရင်တောင်မှာ ပူပင်သင့်တာတွေ ပူပင်နေရသေးရင် ဘ၀မှာ သိသိနဲ့
လုပ်ခဲ့တဲ့ အကြွေးတွေ ၊ မသိပဲလုပ်ခဲ့တဲ့ အကြွေးတွေကို ဘယ်အချိန်မှာ ဘယ်သူကဘယ်လိုပုံစံနဲ့ လာတောင်း
မလဲဆိုတာ ပူရတာက ပိုပြီးရင်မော ပိုပြီးပူလောင် ရပါတယ် ။ ဗိုလ်သန်းရွှေတို့လိုစားမျိုးတွေ အတွက်ကတော့
အတိုးပေါင်းများစွာနဲ့ ပေးဆပ်ရမဲ့ အကြွေးပေါင်းများစွာ ရှိနေတယ်ဆိုတာ ဧကန်မုချပါပဲ ။

အဲဒီတော့ ကိုယ်ကယူထားတဲ့ အကြွေးကို ကိုယ်က ပေးတဲ့ အကြွေးနဲ့ ချိန်ခွင်လျှာညှိယူ ရအောင် အကြွေးယူတာ
မနက်ဖို့ ( တနည်း အတိုးမများဖို့ ) လိုတယ်လို့ပဲ ထင်မိပါတယ် ။