လူထုအခြေပြုအဖွဲ့တွေရဲ့ ပါဝင်မှုတွေနဲ့ပတ်သက်ပြီးတော့မှ သူတို့လုပ်ရပ်က သက်သေပြတာ ဖြစ်တဲ့အပေါ်မှာ ထိုင်းနိုင်ငံ အပါအ၀င် ဒီမိုကရေစီနိုင်ငံတွေက အာဆီယံထဲမှာ ဦးဆောင်ပြီးတော့မှ အာဆီယံ ချာတာ တကယ်အသက်ဝင်လာဖို့အတွက်ကို ကြိုးစားပေးဖို့ကိုလည်း ပြောဖြစ်ပါတယ်။ ကျမတို့အားလုံးရဲ့ လုံခြုံရေးနဲ့ ပတ်သက်ပြီးတော့မှလည်း ထိုင်းနိုင်ငံ ၀န်ကြီးချုပ်ရော၊ နိုင်ငံခြားရေးဝန်ကြီးကိုရော ကျမတို့အနေနဲ့ စိတ်ပူတဲ့ အပေါ်မှာလည်း ဒီ စိတ်ပူမှုတွေကို သူတို့အနေနဲ့ သိတယ်၊ ကြားတယ်။ သူတို့အနေနဲ့လည်း တတ်နိုင်သမျှ ဒါကို သူတို့ဘက်ကနေပြီးတော့မှ ဒါကို လုပ်ပေးမယ်ဆိုတဲ့ဥစ္စာကို၊ မြန်မာနိုင်ငံကိစ္စကို သူတို့ ဆွေးနွေးမယ် ဆိုတဲ့ ဟာတွေကို တရားဝင် အစည်းအဝေးထဲမှာလည်း ပြောသွားပါတယ်ရှင့်။”
“ဒေသတွင်း လူထုအခြေပြုအဖွဲ့အစည်းတွေထဲမှာ မြန်မာပြည်ရဲ့ လူထုကို ကိုယ်စားပြုတဲ့ မခင်ဥမ္မာ ပြောပြသွားတာ ဖြစ်ပါတယ်။ အာဆီယံအသင်းကြီးဟာ နိုင်ငံခေါင်းဆောင်တွေနဲ့ သံတမန်တွေအတွက်ပဲ ဖွဲ့စည်းထားတာ မဟုတ်ဘူး။ ပြည်သူလူထု ပါဝင်ဖို့ ဖွဲ့စည်းထားတာလို့ ပြောနေတဲ့ အိမ်ရှင် ထိုင်းနိုင်ငံအတွက်ကတော့ ဒီကနေ့ အဖြစ်အပျက်ဟာ အတော်လေး ကသိကအောင့် ဖြစ်စရာလို့ ပြောရမှာပါ။ ဒါနဲ့ တဆက်တည်းမှာပဲ အာဆီယံ အသင်းကြီးအနေနဲ့ မြန်မာနိုင်ငံ အမျိုးသားပြန်လည်သင့်မြတ်ရေးအတွက် ပူးပေါင်းဆောင်ရွက်ဖို့ အမေရိကန်ပြည်ထောင်စုက တိုက်တွန်းနေတာနဲ့ ပတ်သက်ပြီးတော့ ဒီနေ့ ဗွီအိုအေ မြန်မာပိုင်း အစီအစဉ်ကနေပြီးတော့ အာဆီယံ အသင်းဆိုင်ရာ အမေရိကန် သံအမတ်ကြီး စကော့မာရှယ်လ်ကို သီးသန့်တွေ့ဆုံမေးမြန်းခွင့် ရခဲ့ပါတယ်။ မြန်မာစစ်အစိုးရက နိုင်ငံရေးလုပ်ငန်းစဉ် ၇ ချက်အရ ၂၀၁၀ ရွေးကောက်ပွဲကို ကျင်းပမယ့်အပေါ် ကုလသမဂ္ဂ အပါအ၀င် ဒေသတွင်း နိုင်ငံတွေရဲ့ အမြင်နဲ့ပတ်သက်ပြီးတော့ သံအမတ်ကြီး စကော့မာရှယ်လ် က အခုလို သုံးသပ်ပါတယ်။”
စကော့မာရှယ်လ်။ ။ “အတိုက်အခံ အများစုနဲ့ မြန်မာပြည်သူလူထု အများစုကို ချန်လှပ်ထားတဲ့ ဘယ်နိုင်ငံရေး ဖြစ်စဉ်ပဲဖြစ်ဖြစ် ပြဿနာကို ဖြေရှင်းနိုင်မှာမဟုတ်ပါဘူး။ ဒီလိုပါပဲ လူအများစု မပါဝင်ဘဲ သူတို့ဘာသာ သူတို့လျှို့ဝှက် ရေးဆွဲလာတဲ့ အခြေခံဥပဒေကို ကျယ်ကျယ်ပြန့်ပြန့် ညှိနှိုင်းဆွေးနွေးခြင်း မပြုဘဲနဲ့ ဒီအတိုင်း ရွေးကောက်ပွဲ လုပ်သွားမယ်ဆိုရင်တော့ ရလဒ်ကောင်း ပေါ်ထွက်နိုင်စရာ မရှိပါဘူး။”
“မြန်မာ့ဒီမိုကရေစီရေးအတွက် အထီးကျန်ပစ်ပယ်ထားပြီးတော့ တားဆီးပိတ်ဆို့မှုတွေနဲ့ မြန်မာနိုင်ငံအပေါ် အရေးယူတာ ကလည်း အလုပ်မဖြစ်၊ ထိတွေ့ဆက်ဆံခွင့်ဟာလည်း မထိရောက်ဘူး ဆိုတော့ အမေရိကန်ပြည်ထောင်စု အနေနဲ့ ဘယ်ပုံဘယ်နည်း ဘယ်လို မဟာဗျူဟာတွေနဲ့ ချဉ်းကပ်မလဲ ဆိုတာကို လောလောဆယ် သုံးသပ်နေဆဲပဲ ဖြစ်တယ်လို့ ပြောပါတယ်။ ဒီ ထိပ်သီးညီလာခံမှာလည်း အာဆီယံ ခေါင်းဆောင်တွေ အနေနဲ့ မြန်မာစစ်အစိုးရ ၀န်ကြီးချုပ် သိန်းစိန် ကို တရားဝင် အစည်းအဝေးတွေမှာရော၊ အစည်းအဝေး ပြင်ပ အလွတ်သဘော တွေ့တဲ့အခါမှာရော နိုင်ငံရေးပြုပြင် ပြောင်းလဲမှုတွေ ဖြစ်ပေါ်အောင် တိုက်တွန်းနေကြလိမ့်မယ် ဆိုတာကို သူ ယုံကြည်တဲ့အကြောင်းကိုလည်း သံအမတ်ကြီး စကော့မာရှယ်လ် က ပြောပါတယ်။
ရည်ညွန်း ။ ။
http://www.voanews.com/burmese/2009-02-28-voa6.cfm
Subscribe to:
Post Comments (Atom)
No comments:
Post a Comment