Monday, June 1, 2009
အခြေအနေကတောင်းဆိုနေတဲ့ မြေအောက်လှုပ်ရှားမှု
ဒေါ်အောင်ဆန်းစုကြည်ကို မတရားရုံးတင်အကျဉ်းချဖို့ နအဖက ကြိုးစားလာတော့ တချို့က အင်းစိန်ထောင်ကို ချီတက်ကြပြီး တချို့ကတော့ အလစ်အငိုက်ပိုစတာကပ်တာတွေ၊ စာရွက်ကြဲတာ တွေလုပ်ကြတာ တွေ့ရပါတယ်။ တိုက်ပွဲသဏ္ဌာန် အမျိုးအမည်များ တာမို့ ဝမ်းသာရပါတယ်။ ဒါပေမယ့် တဆက်တည်း တွေ့လာရတာ က ဒါလောက်နဲ့ မလုံလောက်၊ လုံးဝမလုံလောက်ဆိုတာပဲ ဖြစ်ပါ တယ်။ ဒါဖြင့်ရင် တိုက်ပွဲအမျိုးမျိုး ပေါ်ပေါက်အောင် သဏ္ဌာန်ကို ဘယ်လိုဖော်ထုတ်မလဲ။ ကိုယ့်အတွက် အထိအခိုက် အနည်းဆုံးဖြစ်အောင် ဘယ်လိုလုပ်မလဲ။ ရေရှည်သယ်ဆောင် သွားဖို့ ဘာနဲ့လုပ်မလဲ။ လက်တွေ့လုပ်မယ့်လူဟာ လက်တွေ့စဉ်းစားရပါမယ်။
ဒီလိုနဲ့ အခုတော့ မြေအောက်လုပ်ငန်း အဆောက်အအုံတွေ၊ ကွန်ရက်တွေ လိုအပ်ကြောင်း သဘောပေါက် နားလည် လာတဲ့သူတွေ များသတက်များလာပါတယ်။ ဒါပေမယ့် တည်ဆောက်ကြ၊ လုပ်ကိုင်ကြတာတွေ တော်တော်များများဟာ စစ်ရောက်မှမြားချွန် ဆိုတာမျိုး ဖြစ်နေပါတယ်။ တချို့ကတော့လည်း မြေအေက်ဆိုတာ ဘယ်လိုလုပ်ရသလဲလို့ အခုမှစူးစမ်း၊ မေးမြန်း၊ လေ့လာတာတွေ လုပ်ကြပါတယ်။ ဘာပဲပြောပြော မလုပ်တာနဲ့စာရင် နောက်ကျတာက တော်သေးတယ်လို့ပဲ ဆိုကြပါစို့။
ဘာဖြစ်လို့ မြေအောက်လုပ်ကြတာလဲ ဆိုတာကို သဘောမပေါက်ကြလို့ နောက်ကျကြတာလို့ ဆိုချင်ပါတယ်။ မြေအောက်လုပ်တယ်ဆိုတာ လွယ်လွယ်ပြောရရင် မြေပေါ်မှာလုပ်မရလို့ဘဲ ဖြစ်ပါတယ်။ မတရားဖိနှိပ်မှု ပြင်းထန်လှတဲ့ အုပ်စိုးသူတွေရဲ့လက်အောက်မှာ နေရတဲ့ အဖိနှိပ်ခံတို့က မိမိတို့ရဲ့ ထွက်ရပ်လမ်းကို ရှာကြရာမှာ မြေအောက်လုပ်ငန်း ဟာ မဖြစ်မနေ လုပ်ရတဲ့ လုပ်ငန်းတခု ဖြစ်လာပါတယ်။ ပြည်သူတရပ်လုံး ဒီမိုကရေစီ အခွင့်အရေးတွေ အပြည့်အဝခံစား ခွင့်ရရင် ဘယ်သူမှ မြေအောက်လုပ်မနေပါဘူး။ လုပ်မယ်ဆိုရင်လည်း ပတ်ဝန်းကျင်က ခွင့်မပြုပါဘူး။ ပေါ်ပေါ်ထင်ထင်၊ လွတ်လွတ်လပ်လပ်လုပ်လို့ရတဲ့ ကိစ္စတရပ်ကို ဘယ်သူကမှ အသက်အန္တရာယ် စွန့်စားပြီး လျှို့ဝှက်သဲဖို လုပ်မနေပါဘူး။
ဒီတော့သမိုင်းမှာ မြေအောက်လုပ်ငန်းကို ဖက်ဆစ်နာဇီတွေလက်အောက်၊ ကိုလိုနီအုပ်စိုးသူတွေ လက်အောက်မှာ လုပ်ကြတာ ရှိသလို နအဖလို ဖိနှိပ်တဲ့ အာဏာရှင်တွေ အောက်မှာလည်း လုပ်ကြပါတယ်။ ဒီနေရာမှာ မြေအောက် လုပ်ငန်းဆိုတာ မတရားဖိနှိပ်တဲ့ အစိုးရတရပ်ကို ဆန့်ကျင့်ဖို့အတွက် အဲဒီ အစိုးရမသိအောင် ဖွဲ့စည်းလှုပ်ရှားတာမျိုးကို ဆိုလိုတာဖြစ်ပါတယ်။ ဒါဟာ မူးယစ်ဆေးဝါးလုပ်ငန်းလို၊ မာဖီးယားဂိုဏ်းလို၊ မှောင်ခိုစီးပွားရေးလုပ်ငန်းတွေလို ဟာတွေကို ဆိုလိုတာ မဟုတ်ဘူးဆိုတာကို ဦးစွာ ရှင်းအောင်ပြောထားဖို့ လိုပါတယ်။ အခုပြောနေတဲ့ မြေအောက် လုပ်ငန်းဆိုတာဟာ နိုင်ငံရေးပြဿနာက အစပြုပြီး နိုင်ငံရေး ဦးတည်ချက်တခုအတွက် လှုပ်ရှားတဲ့ လုပ်ငန်း ဖြစ်ပါတယ်။ အစိုးရ ခွင့်မပြုတဲ့လုပ်ငန်းတိုင်းကို မဆိုလိုပါဘူး။
မြေအောက်လုပ်ငန်းဆိုတာ သူ့ချည်းလှုပ်ရှားရတာ၊ လက်နက်ကိုင်တိုက်ပွဲနဲ့ တွဲဖက်လှုပ်ရှားရတာ၊ လူထုအုံကြွမှုနဲ့ တွဲဖက်ရတာ စသဖြင့် အနေအထားကိုလိုက်လို့ သူ့ရဲ့အခန်းကဏ္ဍတွေက ကွဲပြားပါတယ်။ ဒါကိုတနည်းပြန်ပြောရရင် မြေအောက်လုပ်ငန်းဟာ တိုက်ပွဲသဏ္ဌာန်ပေါင်းစုံကို အထောက်အကူပေးနိုင်တယ်ဆိုတာဖြစ်ပါတယ်။ ဒါပေမယ့် မြေအောက်လုပ်ငန်းအားလုံးဟာ လူထုကိုအခြေခံပြီး လူထုရဲ့ထောက်ခံအားပေးမှုကို အားပြုလုပ်ကိုင်ရတာ ဖြစ်ပါတယ်။ နောက်ပြီး မြေအောက်လုပ်ငန်းဟာ တိုင်းပြည်ရဲ့ နိုင်ငံရေးဇာတ်ခုံပေါ်မှာ တခါတလေမှာ အရန်အခန်း၊ တခါတလေမှာ အဓိကအခန်းရယ်လို့လည်း အခြေအနေအရ ကွဲပြားပါသေးတယ်။
အထက်မှာပြောခဲ့သလိုပဲ မြေအောက်လုပ်ငန်းလုပ်တယ်ဆိုတာ အဖိနှိပ်ခံပြည်သူတွေက မိမိတို့ရဲ့ ရည်မှန်းချက်ကို လွတ်လပ်စွာအကောင်အထည်ဖော်ခွင့် မရတဲ့အတွက် သယ်ဆောင်တဲ့နည်းနာတခုဖြစ်ပါတယ်။ ဒါနဲ့ပြောင်းပြန် အုပ်စိုးသူ၊ အာဏာရနေသူတွေက မြေအောက်လိုလုပ်တယ်ဆိုရင်တော့ ဒါဟာခိုးကြောင်ခိုးဝှက်၊ ကလိမ်ကကျစ် လုပ်တာသာဖြစ်တယ်ဆိုတာ ပြောထားဖို့ လိုပါတယ်။ သူများနိုင်ငံအပေါ်သူလျှိုလုပ်တာ၊ ထောက်လှမ်းရေး လုပ်တာကိုလည်း မြေအောက်လုပ်ငန်းလို့ မဆိုနိုင်ပါဘူး။
တကယ်တော့ ဗမာပြည် ပြည်သူတွေဟာ မြေအောက်လုပ်ငန်း အတွေ့အကြုံ အင်မတန်ကြွယ်ဝတယ်လို့ ပြောရင် ရပါတယ်။ တနိုင်ငံလုံး သူ့ကျွန်ဘဝရောက်တယ်ဆိုတာနဲ့ အင်္ဂလိပ်ကိုလိုနီ တွေကို ပြန်ချဖို့ပြင်ဆင်ကြတဲ့ မင်းညီ မင်းသားများနဲ့ လူထုတွေ၊ ဆရာတော်သံဃာတော်တွေရဲ့ လှုပ်ရှားမှုတွေက စတွက်လိုက်ရင် ဗမာပြည်ရဲ့ မြေအောက်လုပ်ငန်းသမိုင်းဟာ နှစ်ပေါင်း (၁၂ဝ) ကျော်ပါပြီ။ ဒီလိုမြေအောက်လှုပ်ရှားမှုတွေကနေ ဗမာ့ထွက်ရပ် ဂိုဏ်း၊ ဗမာပြည်ကွန်မြူနစ်ပါတီ၊ ရဲဘော်သုံးကျိပ် စတာတွေပေါ် ထွက်လာပြီး လွတ်လပ်ရေးတိုက်ပွဲကို သယ်ဆောင်ခဲ့ကြပါတယ်။ ထောင်ထဲကနေ မြေအောက်လုပ်ငန်းလုပ်သူတွေကတဆင့် လွတ်လပ်ရေး တိုက်ပွဲကို ခေါင်းဆောင်ကြပါတယ်။ လွတ်လပ်ရေးနောက်ပိုင်းမှာလည်း မြေအောက်လှုပ်ရှားမှုတွေ တောက်လျှောက် တည်ရှိခဲ့ပြီး မြို့ပေါ် လူထုအုံကြွမှုကြီးတွေ အမြောက်အမြားကို ဖော်ထုတ်ခဲ့ကြပါတယ်။ တခြားနိုင်ငံတွေမှာလည်း အလားတူ သာဓကတွေ အများကြီးရှိပါတယ်။ ပြောမကုန်ပါ။
ဒါကြောင့် ဗမာပြည်ရဲ့ ၁၉၄၈ ခုနှစ် နောက်ပိုင်း အုပ်စိုးသူလူတန်းစား၊ အထူးသဖြင့် ဆိုရှယ်လစ်ပါတီနဲ့ သူတို့နဲ့ နွှယ်နေတဲ့ စစ်အုပ်စုဟာ မြေအောက်လုပ်ငန်းကို အကြီးအကျယ်ကြောက်ရွံ့ ရွံမုန်းကြပါတယ်။ ဒီလိုနဲ့ပဲ သူတို့ဟာ ပြည်သူတွေကို ဖိနှိပ်ဖို့၊ ခြောက်လှန့်ဖို့၊ အထူးသဖြင့် မြေအောက်လုပ်ငန်းတွေကို ရှာဖွေဖျက်ဆီးဖို့အတွက် ပြည်တွင်း ပြည်ပမှာ နာမည်ဆိုးနဲ့ကျော်ကြားလှတဲ့ ထောက်လှမ်းရေးယန္တရားကြီးတခုကို တည်ဆောက်ထိန်းသိမ်းခဲ့ကြပါတယ်။
ဒါပေမယ့် အခုတော့ အဲဒီထောက်လှမ်းရေးဆိုတာကြီးပဲ အစိပ်စိပ်အမြွာမြွာ ပြိုကွဲဖျက်သိမ်းခံခဲ့ရပြီး မြေအောက် လုပ်ငန်းတွေကတော့ ဆက်လက်တည်ရှိနေ၊ ထပ်မံပေါက်ဖွားနေပါတယ်။ ဒါက ဖော်ပြနေတာက စစ်အုပ်စုရဲ့ ထောက်လှမ်းရေးယန္တရားဟာ တပွဲချင်းမှာ ပြည်သူ့အင်အားစုတွေအပေါ်မှာ အနိုင်ရတာတွေရှိပေမယ့် တရားတခုလုံး အနေနဲ့တော့ အဆုံးမှာ သူတို့ပဲအရှုံးနဲ့ ဇာတ်သိမ်းရတယ်ဆိုတာဖြစ်ပါတယ်။
ဒါပေမယ့် အုပ်စိုးသူအာဏာရှင်များဟာ မြေအောက်လုပ်ငန်းတွေ တည်ရှိနေသရွေ့ သူတို့အတွက် အန္တရာယ်ကြီး လှတာမို့ ဖြိုခွဲဖို့အတွက် ထောက်လှမ်းရေးလို အဖွဲ့အစည်းတွေ ဆက်ထူထောင်နေအုန်းမှာပဲ ဖြစ်ပါတယ်။ တိုးချဲ့နေ၊ အားဖြည့်နေအုန်းမှာလည်း ဖြစ်ပါတယ်။
နအဖအစိုးရဟာ အခုလို ဒေါ်အောင်ဆန်းစုကြည်ကို အမှုဆင် ရုံးတင်လိုက်ခြင်းအားဖြင့် သူတို့ရှေ့ဆက်လျှောက် မယ့်လမ်း၊ ရှေ့ဆက်ကျင့်သုံးမယ့် လမ်းစဉ်တို့ကို ဖော်ပြလိုက်တာဖြစ်တယ်ဆိုရင် မမှားပါဘူး။ အဓိပ္ပာယ်က ၂ဝဝ၈ ဖွဲ့စည်းပုံအခြေခံဥပဒေနဲ့ ၂ဝ၁ဝ ရွေးကောက်ပွဲတွေရဲ့ နောက်မှာလည်း အမျိုးသားဒီမိုကရေစီအဖွဲ့ချုပ်နဲ့ ဒေါ်အောင်ဆန်းစုကြည်ကို အဓိကဦးတည်ရန်သူအဖြစ် သဘောထား၊ ၁၉၉ဝ ပြည့်နှစ်က လက်ကျန်အင်အားစုတွေကို မသေမရှင်ထား၊ တက်ကြွသူတွေကို ထောင်ထဲ၊ ဒါမှမဟုတ် ပြည်ပ၊ ဒါမှမဟုတ် တောထဲကိုမောင်းပို့ဆိုတဲ့ ပေါ်လစီကို ဆက်လက်ကျင့်သုံးသွားမယ် ဆိုတာပါပဲ။
ဗမာပြည်ရဲ့ ရှေ့အလားအလာဟာ အလင်းရောင်မမြင်ရတာ မဟုတ်ပါဘူး။ ဒါပေမယ့် စိတ်ကူးယဉ်လို့မရတာတော့ အမှန်ပါပဲ။ လူသားစားကျားကို တဖြည်းဖြည်းချင်းနဲ့ ဟင်းသီးဟင်းရွက်ပဲစားလာအောင် လေ့ကျင့်ပေးသွားမယ်ဆို တာမျိုး မတွေးသင့်ပါဘူး။ ရေရှည်တိုက်ပွဲအတွက် စနစ်တကျပြင်ဆင်ရပါမယ်။ အဲဒီလို ပြင်ဆင်ရာမှာ အချို့သော တက်ကြွသူတွေက မြေအောက်လုပ်ငန်းအတွက် သီးသန့်ပြင်ဆင်တာကိုလည်း အာရုံထားလုပ်ရပါမယ်။
အပျော်တမ်းဆံမှု၊ တပွဲတိုးဆံမှုတွေကို ဆန့်ကျင်ပြီး ရေရှည်အတွက် အမြင့်ဆုံးစွန့်လွှတ်မှုကိုပါ ပိုင်းဖြတ်ပြီး စနစ်တကျ လုပ်ရပါမယ်။ ယူဂျီလုပ်တယ်ဆိုတာ အချိန်အားရှိလို့ အပျော်ကစားတာ မဟုတ်ပါဘူး။ သဘောတရား တခုကို လက်တည့်စမ်းတာမဟုတ်ပါဘူး။ ဖြစ်ကတတ်ဆန်း၊ တော်ရိလျော်ရိလုပ်လို့ မဖြစ်ပါဘူး။ စစ်တိုက်သလိုပဲ အသက်ပေါင်း၊ ဘဝပေါင်းများစွာကို အရင်းအနှီးပြုပြီး လုပ်ကိုင်ရတာဖြစ်တယ်ဆိုတာ သဘောပေါက်ဖို့ဟာ အလွန်အရေးကြီးပါတယ်။
နေရာတကာ၊ အလွှာပေါင်းစုံ၊ လူတန်းစားပေါင်းစုံ၊ လုပ်ငန်းပေါင်းစုံထဲမှာ မြေအောက်ကွန်ရက်တွေဖြန့်ကြက် တည်ဆောက်ရပါမယ်။ ဒီလိုနဲ့ နအဖစစ်အာဏာရှင်တွေကို ဆန့်ကျင်တဲ့ ဘယ်လိုလှုပ်ရှားမှုမျိုးကိုမဆို နည်းမျိုးပေါင်းစုံနဲ့ တွဲဖက်ပေါင်းစပ်ကာ အောင်ပွဲဆီ အတူတက်လှမ်းနိုင်ပါမယ်။
ရဲဘော်ဖိုးသံချောင်း၏ ဆောင်းပါးအားပြန်လည်ဖော်ပြခြင်း ။
Sunday, May 17, 2009
နအဖ အခက် အမ်အယ်ဒီ အချက်
ဗိုလ်အောင်ဒင်ဇာတ်ကားထဲက စုံထောက်ကြီး ဦးဘချစ် သတင်းစာဖတ်ရင်း အကြီးအကျယ် ဒေါဖောင်းသွားတဲ့ သတင်းခေါင်းစီးကို သွားသတိရမိတယ်။
“ပုလိပ်တွေ ဘာလုပ်နေကြ သလဲ၊ လူဆိုးတွေမှာ ကိုယ်ပျောက်ဆေးရှိသလား” ဆိုတဲ့ သတင်းခေါင်းစီးပါ။ အခုလည်း နအဖ ဗိုလ်ချုပ်မှူးးကြီး သန်းရွှေနဲ့
အပေါင်းအပါတွေကို “နအဖတတွေ ဘာလုပ်နေကြသလဲ၊ ယက်တောမှာ ကိုယ်ပျောက်ဆေးရှိသလား” ဆိုပြီး
ခေါင်းစီးတပ် ရေးရမလိုဖြစ်နေပြီ။ ရယ်ရပုံများ ပြောပါတယ်။
ရယ်မောခြင်းရဲ့ နောက်ကွယ်မှာတော့ လူထုခေါင်းဆောင် ဒေါ်အောင်ဆန်းစုကြည်ရဲ့ အသက်အန္တရာယ်အတွက်လည်း စိုးရိမ်ပူပန်စိတ် အကြီးအကျယ် ဖြစ်မိပါတယ်။
တကယ်ဆို ကိုယ်အကျယ်ချုပ်ချထားတဲ့ လူထုခေါင်းဆောင်အတွက် အလုံးစုံတာဝန်ယူရမှာက နအဖပဲလေ။
အပြစ်မရှိတဲ့သူကို ကိုယ့်ဒုက္ခကိုယ်ရှာပြီး သူတို့ နေအိမ်အကျယ်ချုပ် ချထားချင်တာကိုး။
ဒေါ်အောင်ဆန်းစုကြည်က ကျမအိမ်ကို လာစောင့်ရှောက်ပေးပါလို့ နအဖကို လုံခြုံရေးအနေနဲ့ ငှားထားတာမှ မဟုတ်တာ။
အဲဒီတော့ ယက်တောဆိုတဲ့ အမေရိကန်ကြီး အင်းလျားကန်ထဲကပဲ ကုန်းတက်လာ ကုန်းတက်လာ၊ ခြံစည်းရိုးကိုပဲ သူခိုးကြီး ငတက်ဖြားလို ခုန်ဝင် ခုန်ဝင်၊
မိုးပေါ်ကပဲ ကြောင်ကျ ကျလာ ကျလာ၊ လုံခြုံရေးတွေရှိတဲ့ ၀င်းတံခါးကပဲ ကိုယ်ပျောက်ဝိဇ္စာလို ကိုယ်ယောင်ဖျောက်ပြီး ၀င်သွား ၀င်သွား
လုံးဝတာဝန်ရှိတာကတော့ နအဖစစ်အုပ်စုမှာပါပဲ။ လုံခြုံရေးအပြည့်ပေးရမှာ သူတို့တာဝန်ပါ။ သူတို့ မတရားသဖြင့် အကျယ်ချုပ်ထားတာမို့လို့ပါ။
တကယ်လို့များ မပြောကောင်း မဆိုကောင်း ယက်တောက စိတ္တဇလူသတ်သမား ဖြစ်နေတယ် ဆိုကြပါစို့။ သူ နအဖလုံခြုံရေးတွေ မသိလိုက်ဘဲ ခိုးဝင်သွားလို့
လူထုခေါင်းဆောင် ဒေါ်အောင်ဆန်းစုကြည် အသက်ပါတဲ့အထိ ဖြစ်သွားပါပြီတဲ့။ နအဖ ဘယ်လိုမျိုးဆင်ခြေတွေ ပေးမလဲ၊ ဘာလုပ်ပေးမှာလဲ စဉ်းစားကြည့်မိတော့
ကြက်သီးမွေးညင်း တောင် တော်တော်ထသွားမိတယ်။ အဲဒီလိုမျိုးများဖြစ်ခဲ့ရင် နအဖက ကျွန်တော်မျိုးတို့ မသိလိုက်လို့ ဖြစ်သွားတာပါ ခင်ဗျားလို့
ဆင်ခြေဆင်လက်ပေးရုံနဲ့ ပြီးနိုင်မလား။ ပြည်သူလူထုကြီးနဲ့ နိုင်ငံတကာအသိုင်းအ၀ိုင်းကရော အဲဒီအဖြေကို လက်ခံမလား။
ဒေါသတွေ ဘယ်လောက်တောင်များ ပေါက်ကွဲလိုက်ကြလေမလဲ။ အဲဒီပေါက်ကွဲမယ့် ဒေါသမုန်တိုင်းနဲ့ တင် နအဖ လွင့်စဉ်သွားလောက်မယ်ထင်ပါရဲ့။
၁၉၈၃ ခုနှစ် သြဂုတ်လ (၂၁) ရက်နေ့က ပြည်တော်ပြန်လာခဲ့တဲ့ ဖိလစ်ပိုင် အတိုက်အခံခေါင်းဆောင် ဘင်နစ်နိုအကွီနိုရဲ့
ဖြစ်အင်ကို အခုထိ အမှတ်ရနေမိပါသေးတယ်။ မနီလာလေဆိပ်အရောက်မှာ ဖိလစ်ပိုင်အာဏာရှင် မားကို့စ်က ဘင်နစ်နိုအကွီနိုကို တဖက်လှည့်နဲ့ လုပ်ကြံခိုင်းလိုက်တယ်။
ဒါပေမယ့် အဖြစ်မှန်ကို ဖိလစ်ပိုင်လူထုကြီးက သိသွားပြီး အကြီးအကျယ် အုံကြွပေါက်ကွဲပါလေတော့တယ်။ ဖိလစ်ပိုင်လူထုရဲ့ ဒေါသမုန်တိုင်းကြောင့်ပဲ
မကြာမတင်မှာ ဗိုလ်ချုပ်ကြီးရာမို့စ် ခေါင်းဆောင်တဲ့ ဖိလစ်ပိုင်စစ်တပ်က အတိုက်အခံခေါင်းဆောင်သစ် မုဆိုးမ ကိုရာဇန်အကွီနိုနဲ့ ပေါင်းသွားခဲ့တယ်။
အဲဒီနောက် အာဏာရှင်မားကို့စ် ဖနောင့်နဲ့တင်ပါး တသားတည်း ပြေးခဲ့ရပါလေရောလား။ ဒီကနေ့အထိ မျက်စိထဲက မထွက်သေးတဲ့ ဖြစ်ရပ်ပါ။
အဲဒီလို နမူနာမျိုးတွေ ရှိနေလေတော့ နအဖအနေနဲ့ ဒေါ်အောင်ဆန်းစုကြည်ကို အိမ်ထဲမှာနေရင်း တစုံတခုဖြစ်သွားမှာ မျိုးတော့ လုံးဝအဖြစ်မခံရဲမှာ
အသေအချာပါပဲ (ဒီပဲယင်းမှာ သွားရင်းလာရင်း ၀ိုင်းအရိုက်ခံရတာမျိုးက တမျိုးပေါ့လေ။ အဲဒီတုန်းကလည်း မပြောကောင်း မဆိုကောင်း ဒေါ်အောင်ဆန်းစုကြည်
အသက်ပါသွားခဲ့လို့ကတော့ မြန်မာပြည်သူ လူထုရဲ့ ဒေါသနဲ့ ဗိုလ်သန်းရွှေတို့ လူသိုက် အခုလောက်ဆို စစ်ဘောင်းဘီတခြား ကိုယ်တခြား ဖြစ်နေလောက်ပြီ ထင်ပါရဲ့)။
ဘာကြောင့်လဲဆိုတော့ ဒေါ်အောင်ဆန်းစုကြည် တခုခုဖြစ်သွားခဲ့ရင် ပေါက်ကွဲထွက်လာမယ့် (ဒေါ်အောင်ဆန်းစုကြည်ကို အားကိုးအားထားပြု လေးစားကြည်ညိုတဲ့)
မြန်မာပြည်လူထုကြီးရဲ့ သေမထူးနေမထူး ဒေါသကို ဗိုလ်သန်းရွှေတို့ နအဖတသိုက် စိုးရွံ့လို့ပါပဲ။
အဲဒီတော့ ဒေါ်အောင်ဆန်းစုကြည် တစုံတခုဖြစ်မှာကို စိုးရွံ့မယ့် နအဖအနေနဲ့ သူတို့မသိဘဲ
ဒေါ်အောင်ဆန်းစုကြည် နေအိမ်ခြံဝင်းထဲကို လူတယောက်လုံးမပြောနဲ့ ခွေးတကောင် မျက်စိလည်လမ်းမှားပြီး ၀င်မယ်ဆိုရင်တောင် ခွင့်ပြုမှာ မဟုတ်ပါဘူး
(ခွေးရူးကိုက်ရင်လည်း အဆင့်မသင့်ရင် အသက်အန္တရာယ် ရှိတတ်တာကိုးခင်ဗျ)။
ဒီလိုအခြေအနေမျိုးမှာ ယက်တော ၀င်လာတယ်ဆိုတော့ အကြီးအကျယ် စဉ်းစားစရာပေါ့။ ဒါက ပထမတချက်။
နောက်တချက်က ဒီ ယက်တောဆိုတဲ့ အမေရိကန်ကြီးက နအဖက ဖမ်းမိတယ်ဆိုတဲ့ အခုအခေါက်မှ ပထမဆုံးအကြိမ် ခိုးဝင်တာမဟုတ်ပါဘူး။
၂၀၀၈ တုန်းကတည်းက ပထမအကြိမ် ခိုးဝင်လို့ ဒေါ်အောင်ဆန်းစုကြည်ရဲ့ မိသားစုဆရာဝန် ဒေါက်တာတင်မျိုးဝင်းက သက်ဆိုင်ရာ အာဏာပိုင်တွေဆီ အကြောင်းကြားခဲ့ပြီး ဖြစ်ပါတယ်။
ဒါကို အခုတခေါက် မြန်မာပြည်ထဲ ထပ်ဝင်ဖို့ ပြည်ဝင်ခွင့်ဗီဇာ ထပ်ထုတ်ပေးတယ်ဆိုတော့ ဒေါ်အောင်ဆန်းစုကြည်အိမ်ထဲ ခိုးဝင်ဖူးတဲ့သူမှန်း သိထားရဲ့သားနဲ့
ဘာ့အတွက်ကြောင့် ဗီဇာထပ်ထုတ်ပေးသလဲဆိုတာ စဉ်းစားစရာ ဖြစ်မနေပေပြန်ဘူးလား။ ဒါက ဒုတိယတချက်။
အဲဒီတော့ ပထမအချက်က ကိုယ်ဖမ်းထားတဲ့ လူထုခေါင်းဆောင်ရဲ့ လုံခြုံရေးကို တာဝန်မယူနိုင်မှု၊ ဒုတိယအချက်က သိသိကြီးနဲ့ ထောင်ချောက်ဆင် ဟပေးထားမှု၊
အဲဒီနှစ်မှုထဲက တမှုနဲ့တင် နအဖမှာ အပြစ်လုံးဝရှိနေပြီဆိုတာ အသေအချာပြောနိုင်ပြီ ဖြစ်ပါတယ်။ နောက်ပြီး ဒေါ်အောင်ဆန်းစုကြည်ရဲ့ မိသားစုဆရာဝန်ကို ဖမ်းသွားပြီး
အခုအထိ ဘယ်မှာထိန်းသိမ်းထားမှန်း မသိရတာကလည်း (ဆောင်းပါးရေးပြီးချိန်မှာတော့ ဒေါက်တာတင်မျိုးဝင်း ပြန်လွတ်လာပြီလို့ သိရပါတယ်) နအဖရဲ့ မရိုးမသားလုပ်ကြံမှုကို
ပိုပြီးသံသယကြီးထွားစေပါတယ်။ ဘာတခုမှ ပွင့်လင်းမြင်သာမှု၊ ရိုးသားမှု မရှိလို့ပါ။
အဲဒီတော့ ဒေါ်အောင်ဆန်းစုကြည်က ယက်တောကို ဘာဖြစ်လို့ တည်းခွင့်ပြုရတာလဲ ဆိုတဲ့အထိတောင် တောင်တောင်အီအီ စဉ်းစားစရာ မလိုတော့ဘဲ
ဗိုလ်သန်းရွှေတို့ စစ်အုပ်စုရွှေ့တဲ့ ကလေးကွက်က ဘွားဘွားကြီး ပေါ်နေတာကို တွေ့ရမှာပါ။ စဉ်းစားလည်းပဲ ဒေါ်အောင်ဆန်းစုကြည်ဆိုတာက
ကိုယ့်ကျင့်သိက္ခာနဲ့ ပြည့်စုံတဲ့ နိုင်ငံတကာသိ လူထုခေါင်းဆောင်တယောက်၊
အိမ်မှာလည်း အမျိုးသားဒီမိုကရေစီအဖွဲ့ချုပ် ဗဟိုအမျိုးသမီးအဖွဲ့ဝင် ဒေါ်ခင်ခင်ဝင်းနဲ့ သမီးဖြစ်သူ မ၀င်းမမတို့ အတူရှိနေတယ်၊
နောက်ပြီးတော့ ဒေါ်အောင်ဆန်းစုကြည်ဟာ လူတဖက်သားကို ဒုက္ခရောက် နစ်နာစေလိုတဲ့ ဆန္ဒမျိုး ရှိသူမဟုတ်၊
အဲဒါကြောင့် ယက်တောကို နှင်မထုတ်တာ အဆန်းလားလို့ မေးခွန်းပြန်ထုတ်လိုက်ရုံပေါ့။ ယက်တော ၀င်လာပြီဆိုကတည်းက
နအဖအပြစ် လုံးလုံးကြီး ဖြစ်နေတဲ့ဟာကိုးလေ။ တကယ်ဆို ရှင်းပြနေစရာတောင် မလိုပါဘူး။
အဲဒီလိုကလေးကွက်ကို နအဖ ဘာကြောင့်ရွှေ့ခဲ့သလဲ။ ရှင်းပါတယ်။ ဒေါ်အောင်ဆန်းစုကြည်ကို လွှတ်ရက်စေ့တော့ မှာရယ်၊
သူတို့ရဲ့ ကလိန်စေ့ငြမ်းဆင် လမ်းပြမြေပုံအတွက် အနှောက်အယှက်လို့ ယူဆတဲ့ ဒေါ်အောင်ဆန်းစုကြည်က
ို ၂၀၁၀ ကျင်းပပြီးတဲ့အထိ ဆက်ဖမ်းထားချင်လို့ရယ် ကြံရမရဖြစ်ပြီး သူတို့လုပ်မိတာဖြစ်ပါတယ
် (မပိရိတာတခုတော့ နအဖကို သနားဖို့ကောင်းပါတယ်)။ အဲဒီလို သူတို့အပြစ် လုံးလုံးလျားလျားကို ဒေါ်အောင်ဆန်းစုကြည်အပြစ်လို့ ပုံချပြီး
အင်းစိန်ထောင်ကို ခေါ်သွားတယ်ဆိုတော့ ဒေါ်အောင်ဆန်းစုကြည်ကို လေးစားကြည်ညိုတဲ့ လူထုအနေနဲ့ ဒေါသအရှိန် အဟုန် မြင့်တက်လာတာ
မဆန်းပေဘူးပေါ့။ နဂိုကတည်းကမှ ကိုယ့်လူထုခေါင်းဆောင်ကို မတရားဖမ်းဆီးချုပ်နှောင် ထားလို့ ဒေါသထွက်နေရတဲ့အထ
ဲ အခုလို ယုတ်မာကောက်ကျစ်လေတော့ ဒေါသအရှိန်ပိုမြင့်ပြီပေါ့။
ဒါပေမယ့် ဒါဟာ လူထုရဲ့ ဦးဆောင်ပါတီ အန်အယ်လ်ဒီအတွက်တော့ အဆိုးထဲက အကောင်းလို့ ပြောရမယ့် အခြေအနေပါ။
ဗိုလ်သန်းရွှေ ရွှေ့လိုက်တဲ့ ကလေးကွက်ကြောင့် လူထုရဲ့ ဒေါသအရှိန်အဟုန် မြင့်လာတာဟာ နအဖစစ်အုပ်စုအတွက်
စိုးရိမ်စရာဖြစ်ပေမယ့် တလျှောက်လုံး မတရားသဖြင့် အနှိပ်ကွပ်ခံခဲ့ရတဲ့ အန်အယ်လ်ဒီပါတီ အတွက်တော့ လူထုအားနဲ့
တိုက်ခွင့်ရမယ့် တကယ့်မဟာအချက်ပါ။ လူထုရဲ့ ဒေါသရေချိန်မြင့်တက်လာချိန်မှာ လူထုတိုက်ပွဲဖော်ပြီး နအဖကို စိန်ခေါ်ဖို့ တကယ့်အခွင့်အခါကောင်းပဲ ဖြစ်ပါတယ်။
အန်အယ်လ်ဒီအနေနဲ့ လူထုတိုက်ပွဲကနေ အဆုံးသတ်တိုက်ပွဲအထိ ဦးဆောင်ဖို့ မထင်မှတ်ဘဲ အခွင့်အရေးရတာလို့ ပြောရမှာဖြစ်ပါတယ်။
အဲဒါကြောင့်မို့ ဥက္ကဋ္ဌ၊ အတွင်းရေးမှူးအဖြစ်က နှုတ်မထွက်ချင်တဲ့ ဦးအောင်ရွှေတို့၊ ဦးလွင်တို့ အနေနဲ့ ရွှေဝါရောင်တုန်းကလို အိမ်တွင်းပုန်းလုပ်မနေကြဘဲ
လူထုရှေ့က မားမားမတ်မတ်ထွက်ပြီး (သမိုင်းတရားခံ မဖြစ်ရလေအောင်) ရဲရဲတောက် ဦးဆောင်ပေးကြဖို့ အချိန်ကျရောက်နေပြီဖြစ်ပါကြောင်း တိုက်တွန်းရေးသားလိုက်ရ ပါတယ်။
Ref : : ခေတ်ပြိုင်အွန်လိုင်းဂျာနယ်မှာ ဒေါက်တာလွန်းဆွေ၏ ဆောင်းပါးဖြစ်ပါသည် ။
Friday, May 15, 2009
ဒေါ်အောင်ဆန်းစုကြည် ထောင်ချောက်ဆင်ခံရသလော

ထိန်းသိမ်းခံနေရသူ ဒေါ်အောင်ဆန်းစုကြည်၏ အိမ်သို့ အမေရိကန် တဦး ဝင်ရောက်မှု နှင့် စစ်အစိုးရ၏ နောက်ဆက်တွဲ အရေးယူ ဆောင်ရွက်ချက်များမှာ အများက စိတ်ဝင်တစား ဝေဖန် ပြောဆိုနေကြသည့် အကြောင်းအရာ ဖြစ်နေသည်။
ပြီးခဲ့သည့်အပတ်က အမေရိကန် နိုင်ငံသား ဂျွန် ဝီလျံ ယက်တောသည် လုံခြုံရေး တင်းကျပ်သော ဒေါ်အောင်ဆန်းစုကြည်၏ အိမ်သို့ ဝင်ရောက်ပြီး အပြန်တွင် ဖမ်းဆီးခံလိုက်ရသည်။ အိမ်ရှင်ဖြစ်သူ ဒေါ်အောင်ဆန်းစုကြည်ကိုလည်း အာဏာပိုင်တို့ လျစ်လျူမရှုခဲ့ပေ။ ယနေ့ နံနက်ပိုင်းတွင် အာဏာပိုင်တို့က ဒေါ်အောင်ဆန်းစုကြည်ကို အင်းစိန်ထောင်သို့ ပို့ဆောင်ပြီး ကန့်သတ်ချက် ဖောက်ဖျက်မှုဖြင့် တရားစွဲလိုက်သည်။
စစ်အစိုးရက ဤဖြစ်ရပ်ကို ၎င်းတို့၏ အကျိုးအတွက် အသုံးချခြင်း ဖြစ်သည်ဟု ထင်ရှားသည့် မြန်မာဘလော့ဂါ အောင်သာငယ်က သုံးသပ်သည်။
“နအဖရဲ့ လုပ်ဇာတ်လေ။ ဒေါ်စုကို ထောင်ထဲ ထည့်မယ်၊ ၂ဝ၁ဝ ရွေးကောက်ပွဲမှာ သူ့သြဇာ မပါအောင် ကြိုတင် ဖြိုဖျက်တာပဲ။ ဒါမှ သူတို့ ပြောနေတဲ့ ဥပဒေတွေနဲ့ ကိုက်မှာကိုး။ ဒေါ်စုဟာ ပြင်ပက အဆက် အသွယ်တွေ ရှိတယ်၊ နိုင်ငံခြား သြဇာခံတွေ ရှိတယ်ပေါ့ဗျာ” ဟု ကယ်လီဖိုးနီးယားပြည်နယ်ရောက် ဘလော့ဂါ အောင်သာငယ်က ပြောသည်။
ရန်ကုန် အခြေစိုက် စာနယ်ဇင်းသမား တဦးက အမေရိကန် နိုင်ငံသားသည် စစ်အစိုးရနှင့် ပတ်သက်ခြင်းမရှိဟု ယူဆသည်။
“ယက်တော ဆိုတဲ့သူကတော့ သူ့စိတ်ကူးနဲ့သူ လုပ်ချင်တဲ့ဟာကို လုပ်သွားတာ ဖြစ်ပါလိမ့်မယ်။ ဒေါ်အောင်ဆန်းစုကြည်ကို သိက္ခာချဖို့ ကြံစည်နေတဲ့ နအဖက အဲဒီ အဖြစ် အပျက်အပေါ်မှာ အကျယ်ချုပ် သက်တမ်း တိုးဖို့၊ ဖမ်းဆီးတာ သက်တမ်းရှည်ဖို့ အတင်း အဓမ္မ ခွင်ဆင်တာ လို့ မြင်တာပါပဲ” ဟု အဆိုပါ စာနယ်ဇင်းသမားက ပြောသည်။ “ဆင်တဲ့ခွင်က မသင့်တော်လည်း အတင်းလုပ်တဲ့ သဘောပါပဲ” ဟု ဆိုသည်။
မြန်မာနိုင်ငံအကြောင်း ရေးသားလေ့ရှိသည့် ထင်ရှားသော ဘလော့ဂါတဦးဖြစ်သူ မင်းဒင် ကလည်း ယခု လူပြောများနေသော ဖြစ်ရပ်မှာ သွေးရိုးသားရိုးမဟုတ်နိုင်ဟု ပြောသည်။
“သံသယ အမြင်နဲ့ စွပ်စွဲတာမျိုးကို ကျနော် မပြောချင်ပေမယ့် အာဏာအတွက် လူစုပြီး ချောင်းရိုက်တတ်တဲ့ စစ်သားအမည်ခံ ကိုယ်ကျိုးရှာ၊ အာဏာရှင်တွေဟာ မဟုတ်၊ မတရားတာကို လုပ်ဖို့ ဘယ်တုန်းကမှ လက်မနှေးခဲ့တာကြောင့် ယက်တောကိစ္စမှာလည်း သွေးရိုးသားရိုးလို့ ကျနော် မယူဆနိုင်ပါဘူး” ဟု သုံးသပ်ပြသည်။
ဤအမှုမှာ ထောင်ဒဏ် ၃ နှစ်မှ ၅ နှစ်အထိ သို့မဟုတ် ဒဏ်ငွေ သက်သက်၊ ဒဏ်ငွေ ၅ဝဝဝ ချမှတ်နိုင်သည့် အမှု ဖြစ်သည်ဟု ရန်ကုန်မှ ရှေ့နေကြီး ဦးအောင်သိန်းက ရှင်းပြသည်။
နိုင်ငံတကာတွင်လည်း လွတ်ရက်စေ့တော့မည့် ဒေါ်အောင်ဆန်းစုကြည်အပေါ် တရားစွဲဆိုမှုနှင့် ပတ်သက်ပြီး တုံ့ပြန် ပြောဆိုမှုများ ရှိနေသည်။
သြစတေးလျ နိုင်ငံခြားရေး ဝန်ကြီး စတီဖင်စမစ်က ဒေါ်အောင်ဆန်းစုကြည်အား ဖမ်းဆီးမှုမှာ “အလွန်တရာ စိုးရိမ်ဖွယ်” ဖြစ်သည်ဟု ဆိုသည်။
ယခုဖြစ်ရပ်တွင် အဓိကပုဂ္ဂိုလ် တဦး ဖြစ်သူ ဂျွန် ဝီလျံ ယက်တောသည် ယခုအချိန်အထိ အဖွဲ့အစည်း တခုခုနှင့် ပတ်သက်သည် ဟူသော သတင်း ထွက်ပေါ်လာခြင်း မရှိပေ။ သာမန် အရပ်သား တဦးသာ ဖြစ်သည် ဟု ဆိုသည်။
သူ၏ သားဖြစ်သူ ပေါလ်နက်ရိုက AP သတင်းဌာနသို့ ပြောပြရာတွင် ဂျွန် ဝီလျံ ယက်တောသည် နိုင်ငံရေး လှုပ်ရှားမှုများတွင် စိတ်ဝင်စားမှု မရှိဟု ဆိုသည်။
“ဂျွန်က အန္တရာယ် မပေးတတ်သလို နိုင်ငံရေးလည်း စိတ်မဝင်စားပါဘူး။ ဒေါ်အောင်ဆန်းစုကြည်ကို ဒုက္ခပေးဖို့ စိတ်ကူးမရှိပါဘူး” ဟု ပေါ်လ်နက်ရိုက ပြောသည်။
“ဂျွန်က ဆီးချိုရောဂါရှိသည်၊ ကျန်းမာရေး ကောင်းတာလည်း မဟုတ်ဘူး”ဟု ဆိုသည်။ ကျန်းမာရေး ကောင်းမွန်ခြင်း မရှိသဖြင့် မှန်ကန်စွာ ဆုံးဖြတ်နိုင်မည် မဟုတ်ဟု ၎င်းက ပြောသည်။
ယခုအချိန်အထိ ဂျွန် ဝီလျံ ယက်တော၏ ကျူးကျော်ဝင်ရောက်မှုနှင့် ပတ်သက်ပြီး ဂျွန် ဝီလျံ ယက်တောနှင့် တွေ့ခွင့် ရခဲ့သော ရန်ကုန်မြို့ အမေရိကန် ကောင်စစ်ဝန်ထံမှ လည်းကောင်း၊ စစ်အစိုးရ ထံမှ လည်းကောင်း ပြည့်စုံသည့် ပြောကြားချက် ထွက်ပေါ်လာခြင်း မရှိသေးပေ။
ပြည်ပရောက် နိုင်ငံရေးသမားဖြစ်သူ ကိုငွေလင်းက ဤဖြစ်ရပ်တွင် မြှုပ်ကွက်များ ရှိနိုင်သည်ဟု ခန့်မှန်းနေသည်။
“သံသယ ဖြစ်စရာတွေ တွေ့ရတယ်။ တကယ်တော့ ဒီနေရာက လုံခြုံရေး စည်းကြပ်ထားမှုအရ ဆိုရင် ဝင်လို့ကို မရတဲ့ နေရာဖြစ်တယ်။ ဒီလို လုံခြုံရေး အခြေအနေ ရှိတဲ့ ဒီနေရာကို လာခွင့် ရသွားတယ်။ မမြင်ချင် ယောင်ဆောင်တာ ဒါမှမဟုတ် ဝင်ရောက်ခွင့် ပေးလိုက်တာမျိုး မဟုတ်ဘဲနဲ့တော့ ဝင်လို့ ရစရာ အကြောင်း မရှိဘူး။ သူ့ရဲ့ကျူးကျော်မှုမှာ အစိုးရ သော်လည်းကောင်း၊ လုံခြုံရေး ဝန်ထမ်းတွေ သော်လည်းကောင်း ပါဝင်နေတယ် လို့ ကျနော် သုံးသပ်မိတယ်” ဟု ကိုငွေလင်းက ဧရာဝတီကို ပြောပြသည်။
ဒေါ်အောင်ဆန်းစုကြည် လွတ်ရက်စေ့ခါနီးတွင် အစိုးရက သူ့ကို ပြန်လည် ထိန်းသိမ်းနိုင်ရန် ကြိုတင် ကြံစည် ဆောင်ရွက်ခြင်း ဖြစ်မည်ဟု သံသယရှိမိကြောင်း ကိုငွေလင်းက ရှင်းပြသည်။
ဧရာဝတီမှာ ကူးယူဖော်ပြပါသည်
Wednesday, March 4, 2009
၂၀၁၀ မတ်လတွင် ရွှေးကောာ်ပွဲလုပ်ရန် စစ်အာဏာရှင်တို့လျာထား
နိုင်ငံရေးပါတီများ ဖွဲ့စည်းခွင့်ကို သတ်မှတ်ပေးမည့် ရွေးကောက်ပွဲဆိုင်ရာ ဥပဒေနှင့် အချိန်ဇယားကို စစ်အစိုးရက အများသိအောင် ထုတ်ပြန်ကြေညာခြင်း မရှိသေးသော်လည်း လာမည့်နှစ် မတ်လအတွင်း ရွေးကောက်ပွဲ လုပ်သွားရန် ထိပ်တန်း စစ်ခေါင်းဆောင်များက စီစဉ်ထားသည်ဟု ဆိုသည်။
တရုတ်-မြန်မာ နယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောကလည်း ၂၀၁၀ ခုနှစ် ပထမလေးလပတ်အတွင်း ရွေးကောက်ပွဲ ပြုလုပ်ဖွယ် ရှိသည်ဟု ပြောသည်။
သူက ”ကျနော် နားလည်သလောက် ၂၀၁၀ ပထမ လေးလပတ်ထဲမှာ ရွေးကောက်ပွဲ လုပ်လိမ့်မယ်။ ဒါနဲ့ ပတ်သက်ပြီးတော့ လာမယ့် လေးလပတ် အစည်းအဝေးမှာ ဆွေးနွေးကြဖို့ ရှိတယ်” ဟု ပြောသည်။
မြန်မာ စစ်ခေါင်းဆောင်များသည် လေးလပတ် အစည်းအဝေးလုပ်ရန် စိုင်းပြင်းနေပြီး၊ ယခုလ ၆ ရက်နေ့မတိုင်မီ တိုင်းမှူးများ နေပြည်တော်သို့ ရောက်ကြောင်း သတင်းပို့ရန် မှာကြားထားသည်ဟု သတင်းရပ်ကွက်များက ဆိုသည်။
ဆွေးနွေးပွဲတွင်း ပုံမှန်ဆွေးနွေးနေကျ ကိစ္စရပ်များအပြင် ရွေးကောက်ပွဲနှင့် ရွေးကောက်ပွဲဥပဒေ၊ စစ်တပ်ရာထူး အပြောင်းအလဲများနှင့် ငြိမ်းအဖွဲ့များနှင့် ဆက်ဆံရေးတို့လည်း ပါဝင်ဖွယ်ရှိသည်ဟု ဦးအောင်ကျော်ဇောက ပြောသည်။
စစ်ဘက်ခေါင်းဆောင်များအတွင်း ရွေးကောက်ပွဲ ဥပဒေကို အလျင်အမြန် ကြေညာလိုသူနှင့် ဆိုင်းငံ့ထားလိုသူ ဆိုပြီး နှစ်ပိုင်းကွဲနေကာ လာမည့် ဆွေးနွေးပွဲတွင် နှစ်ဖက်အမြင်ကို ဖလှယ်ပြီးနောက် ဧပြီလ ပထမ သီတင်းပတ် မတိုင်မီ ကြေညာဖွယ် ရှိသည်ဟုလည်း သူက ဆိုသည်။
ဒုတိယ အကြောင်းအရာက မည်သူ့ကို ၀န်ကြီးဌာနများတွင် ခန့်အပ်ပြီး၊ မည်သူ့ကို အငြိမ်းစားပေးကာ ရွေးကောက်ပွဲတွင် ၀င်ပြိုင်ခိုင်းမည်ဟူသော အချက်များဖြစ်သည်။
တတိယ အချက်မှာမူ အပစ်အခတ်ရပ် တိုင်းရင်းသား လက်နက်ကိုင် အဖွဲ့များအား မည်ကဲ့သို့ ကိုင်တွယ်သွားမည်ဟူသည့် အချက်ဖြစ်သည်။
”သေချာတာကတော့ စစ်အုပ်စုက အပစ်အခတ်ရပ် သဘောတူညီချက် ပျက်သွားမှာစိုးတော့ ငြိမ်းအဖွဲ့တွေကို ဖိအားမပေးရဲဘူး” ဟု ဦးအောင်ကျော်ဇော်က ပြောသည်။
သို့သော်လည်း မီဒီယာမှတဆင့် လှည့်စားကာ ရွေးကောက်ပွဲကို ရွှေ့ဆိုင်းအောင်လည်း လုပ်နိုင်ခြေရှိသည်ဟု သူက ဆက်ပြောသည်။
ဦးအောင်ကျော်ဇောက ”သူတို့ စီမံကိန်း ချထားပေမယ့်လည်း အချိန်ဇယားကို ပြောင်းပြီး မီဒီယာတွေကို လှည့်စားတာမျိုးလည်း လုပ်တတ်တယ်” ဟု ပြောသည်။
ကိုးကား ။ ။(မဇ္ဈိမ) သတင်း
Sunday, March 1, 2009
ဒဂုံတက္ကသိုလ်ကျောင်းသားများ အရိုက်ခံရခြင်း
ထို့နောက် အခြားကျောင်းသားများ ဖြစ်သော ကိုပြည့်နိုင်ဖြိုး၊ ကိုအောင်ဖုန်း၊ ကိုနေလင်းထက် တို့လည်း ရိုက်နှက်ခံရသည်။ ကိုဝေဖြိုးကျော်က ထွက်ပြေးလွတ်မြောက်သွားပြီး စော်ဘွားကြီးကုန်း ပွဲရုံတန်း ရယကရုံးသို့ သွားရောက် တိုင်ကြားပြီး အကူအညီ တောင်းခဲ့သည်။ ရယက ရုံးရှိ ဆယ်အိမ်ခေါင်း ကိုနီတွတ်က ကိုဝေဖြိုးကျော်အား ၄ ချက်ခန့် ပါးရိုက်ပြီး “ဘာ ကျောင်းသားလဲ” ဟု အော်ဟစ်လိုက်သည်ဟု ဆိုသည်။ ရယက ရုံးတွင် ရောက်နေသော ရဲတပ်ဖွဲ့ဝင်တဦးက ကိုဝေဖြိုးကျော်ကို လက်ထိပ်ခတ်လိုက်ပြီး ထပ်မံရိုက်နှက်ကြသည်ဟု ဆိုသည်။
ကျောင်းသား ၄ ဦး အပြင်းအထန် ဒဏ်ရာရသွားပြီး ကိုအောင်ဖုန်း၊ ကိုနေလင်းထက် တို့ကို အင်းစိန်မြို့ပြည်သူ့ဆေးရုံတွင် အတွင်းလူနာအဖြစ် ကုသပေးထားသည်ဟု သိရသည်။နည်းပြဆရာသည်လည်း ချွန်ထက်သည့် သတ္ထုချောင်းတခုဖြင့် ထိုးနှက်ခံရသည်ဟု ဆိုသည်။
၃ ရက်အကြာ ဗုဒ္ဓဟူးနေ့တွင် ဒဂုံတက္ကသိုလ် ဒုတိယ ပါမောက္ခချုပ် ဦးမျိုးသိန်းကြီး၊ စီမံဌာနမှူး ဦးခင်မောင်သန်း၊ မော်ကွန်းထိန်း ဦးဘဖေတို့က ရိုက်နှက်ခံခဲ့ရသူများကို ခေါ်ယူ စစ်ဆေးခဲ့သည်။ ထို့နောက် နောင်တွင် ခိုက်ရန်ဖြစ်ပွားခြင်းမပြုရန် အတင်းအကျပ် ၀န်ခံကတိ လက်မှတ်ရေးထိုးခိုင်းသည်ဟု ဆိုသည်။
ရိုက်နှက်ခံရသူများကို ကြာသပတေးနေ့တွင်လည်း ထပ်မံ ခေါ်ယူပြီး စစ်ဆေးခဲ့သည်။ရိုက်နှက်မှု ကျူးလွန်သူများမှာ အရေးယူခံရခြင်းမရှိသေးကြောင်း သိရသည်။ထိုဖြစ်ရပ်ကြောင်း ဒဂုံတက္ကသိုလ် ကျောင်းသူကျောင်းသားများအကြားတွင် မကြေနပ်မှုများ ဖြစ်ပွားနေသည်။ ကျောင်းသားများအား ကာကွယ်ပေးခြင်းမရှိသော ကျောင်းအာဏာပိုင်များကို ဒေါသထွက်နေကြသည်။
အဆိုပါအမှုကို အင်းစိန်မြို့နယ် ရဲစခန်းတွင် တိုင်ချက်ဖွင့်ထားသည်။ အမှုလိုက် အရာရှိမှာ ဒုရဲအုပ် တင်ညွန့်ဖြစ်သည်။ သို့သော် ယမန်နေ့က စုံစမ်းသိရှိရသည်မှာ အမှုကို ပိတ်သိမ်းလိုက်ပြီဟု ဆိုသည်။
၁၉၈၈ ခုနှစ် အုံကြွမှု အစောပိုင်းကာလ ကျောင်းသား ကိုဖုန်းမော် သေဆုံးမှုနောက်ဆက်တွဲ ကျောင်းသားဆန္ဒပြမှုကဲ့သို့သော လှုပ်ရှားမှုများ ဖြစ်ပွားလာမည်ကို စိုးရိမ်သဖြင့် အမှုပိတ်ခြင်း၊ သတင်းပိတ်ခြင်းများပြုလုပ်ရခြင်းဖြစ်ကြောင်း ပါမောက္ခချုပ်ရုံးနှင့် နီးစပ်သည့် သတင်းရပ်ကွက်က ဆိုသည်။
ဒီသတင်းကိုတော့ ဒဂုံတက္ကသိုလ် သမိုင်းဌာနမှာ ဆရာမတစ်ဦးမှာ့ပြောပြထားတာပါ ။
မြန်မာစစ်ခေါင်းဆောင်များ၏ အကြပ်ကိုင်မှုကြောင့်မခင်ဥမ္မာ လူ့အခွင့်အရေး အာဆီယံဆွေးနွေးပွဲ တက်ရောက်ခြင်း မပြုနိုင်
မြန်မာစစ်ခေါင်းဆောင်များ၏ အကြပ်ကိုင်မှုကြောင့် အရှေ့တောင်အာရှ နိုင်ငံများအသင်း (အာဆီယံ)က လူ့အခွင့်အရေး လှုပ်ရှားသူ မြန်မာပြည်သား မခင်ဥမ္မာကို လက်ရှိပြုလုပ်နေသော အာဆီယံဆွေးနွေးပွဲ တက်ရောက်ခြင်း မပြုနိုင်ရန် ယမန်နေ့က တားမြစ်လိုက်သည်။
မခင်ဥမ္မာအား ပါဝင် တက်ရောက်ခွင့် ပြုပါက ၎င်းတို့အနေဖြင့် ဆွေးနွေးပွဲမှ ထွက်ခွာရမည်ဖြစ်ကြောင်း မြန်မာစစ်ခေါင်းဆောင်များက ခြိမ်းခြောက်ခဲ့ကြသည်ဟု ဆိုသည်။
ထိုင်းနိုင်ငံ ချအမ်းမြို့တွင် အာဆီယံ ၁၀ နိုင်ငံ အစိုးရ ၀န်ကြီးများ ပါဝင်သည့် အစည်းအဝေးကို ၃ ရက်ကြာ ပြုလုပ်လျက်ရှိသည်။
ဆွေးနွေးပွဲ တက်ရောက်ရန် ပြင်ဆင်ထားသည့် ကမ္ဘောဒီးယားမှ Pen Somony ကိုလည်း ကမ္ဘောဒီးယား အစိုးရ၀န်ကြီးများက တားမြစ်နိုင်ခဲ့ကြသည်ဟု သိရသည်။
၎င်းတို့ ၂ဦးသည် မြန်မာနှင့် ကမ္ဘောဒီးယား ၂ နိုင်ငံကို ကိုယ်စားပြုပြီး လက်ရှိပြုလုပ်နေသော အာဆီယံအစည်းအဝေးတွင် လူ့အခွင့်အရေးဆိုင်ရာကိစ္စရပ်များကို ပါဝင် ဆွေးနွေးနိုင်ရန် ဒေသတွင်း အဖွဲ့အစည်းများက စီစဉ်ပေးခဲ့ခြင်းဖြစ်သည်။
၎င်းတို့ ၂ဦး ပါဝင်ခြင်းမရှိဘဲ လူ့အခွင့်အရေးဆိုင်ရာ ဆွေးနွေးပွဲကို ပြုလုပ်ခဲ့ကြသည်ဟု ဆိုသည်။
အာဏာရှင်နိုင်ငံတခုဖြစ်သည့် လာအိုနိုင်ငံမှ ကိုယ်စားလှယ်သည်လည်း ၎င်း၏ အာဏာပိုင်များက အရေးယူမည်ကို စိုးရိမ်သဖြင့် အစည်းအဝေးသို့ လာရောက်ခြင်းမရှိဟု AFP သတင်းတွင် ရေးသားထားသည်။
ထို့ကြောင့် လူ့အခွင့်အရေးဆိုင်ရာ ဆွေးနွေးပွဲ ပြုလုပ်စဉ် ဒေသတွင်း တခြား နိုင်ငံ ၇ ခုမှ လူထုအခြေပြု အဖွဲ့များသာ ပါဝင်ခွင့် ရခဲ့သည်ဟု ဆိုသည်။
ရည်ညွန်း ။ ။http://moemaka.com
အာဆီယံထိပ်သီးတွေနဲ့ ဒေသတွင်းလူ့အခွင့်အရေး အဖွဲ့တွေ တွေ့ဆုံရာမှာ မြန်မာအဖွဲ့တွေ တက်ခွင့်မရ
“ဒေသတွင်း လူထုအခြေပြုအဖွဲ့အစည်းတွေထဲမှာ မြန်မာပြည်ရဲ့ လူထုကို ကိုယ်စားပြုတဲ့ မခင်ဥမ္မာ ပြောပြသွားတာ ဖြစ်ပါတယ်။ အာဆီယံအသင်းကြီးဟာ နိုင်ငံခေါင်းဆောင်တွေနဲ့ သံတမန်တွေအတွက်ပဲ ဖွဲ့စည်းထားတာ မဟုတ်ဘူး။ ပြည်သူလူထု ပါဝင်ဖို့ ဖွဲ့စည်းထားတာလို့ ပြောနေတဲ့ အိမ်ရှင် ထိုင်းနိုင်ငံအတွက်ကတော့ ဒီကနေ့ အဖြစ်အပျက်ဟာ အတော်လေး ကသိကအောင့် ဖြစ်စရာလို့ ပြောရမှာပါ။ ဒါနဲ့ တဆက်တည်းမှာပဲ အာဆီယံ အသင်းကြီးအနေနဲ့ မြန်မာနိုင်ငံ အမျိုးသားပြန်လည်သင့်မြတ်ရေးအတွက် ပူးပေါင်းဆောင်ရွက်ဖို့ အမေရိကန်ပြည်ထောင်စုက တိုက်တွန်းနေတာနဲ့ ပတ်သက်ပြီးတော့ ဒီနေ့ ဗွီအိုအေ မြန်မာပိုင်း အစီအစဉ်ကနေပြီးတော့ အာဆီယံ အသင်းဆိုင်ရာ အမေရိကန် သံအမတ်ကြီး စကော့မာရှယ်လ်ကို သီးသန့်တွေ့ဆုံမေးမြန်းခွင့် ရခဲ့ပါတယ်။ မြန်မာစစ်အစိုးရက နိုင်ငံရေးလုပ်ငန်းစဉ် ၇ ချက်အရ ၂၀၁၀ ရွေးကောက်ပွဲကို ကျင်းပမယ့်အပေါ် ကုလသမဂ္ဂ အပါအ၀င် ဒေသတွင်း နိုင်ငံတွေရဲ့ အမြင်နဲ့ပတ်သက်ပြီးတော့ သံအမတ်ကြီး စကော့မာရှယ်လ် က အခုလို သုံးသပ်ပါတယ်။”
စကော့မာရှယ်လ်။ ။ “အတိုက်အခံ အများစုနဲ့ မြန်မာပြည်သူလူထု အများစုကို ချန်လှပ်ထားတဲ့ ဘယ်နိုင်ငံရေး ဖြစ်စဉ်ပဲဖြစ်ဖြစ် ပြဿနာကို ဖြေရှင်းနိုင်မှာမဟုတ်ပါဘူး။ ဒီလိုပါပဲ လူအများစု မပါဝင်ဘဲ သူတို့ဘာသာ သူတို့လျှို့ဝှက် ရေးဆွဲလာတဲ့ အခြေခံဥပဒေကို ကျယ်ကျယ်ပြန့်ပြန့် ညှိနှိုင်းဆွေးနွေးခြင်း မပြုဘဲနဲ့ ဒီအတိုင်း ရွေးကောက်ပွဲ လုပ်သွားမယ်ဆိုရင်တော့ ရလဒ်ကောင်း ပေါ်ထွက်နိုင်စရာ မရှိပါဘူး။”
“မြန်မာ့ဒီမိုကရေစီရေးအတွက် အထီးကျန်ပစ်ပယ်ထားပြီးတော့ တားဆီးပိတ်ဆို့မှုတွေနဲ့ မြန်မာနိုင်ငံအပေါ် အရေးယူတာ ကလည်း အလုပ်မဖြစ်၊ ထိတွေ့ဆက်ဆံခွင့်ဟာလည်း မထိရောက်ဘူး ဆိုတော့ အမေရိကန်ပြည်ထောင်စု အနေနဲ့ ဘယ်ပုံဘယ်နည်း ဘယ်လို မဟာဗျူဟာတွေနဲ့ ချဉ်းကပ်မလဲ ဆိုတာကို လောလောဆယ် သုံးသပ်နေဆဲပဲ ဖြစ်တယ်လို့ ပြောပါတယ်။ ဒီ ထိပ်သီးညီလာခံမှာလည်း အာဆီယံ ခေါင်းဆောင်တွေ အနေနဲ့ မြန်မာစစ်အစိုးရ ၀န်ကြီးချုပ် သိန်းစိန် ကို တရားဝင် အစည်းအဝေးတွေမှာရော၊ အစည်းအဝေး ပြင်ပ အလွတ်သဘော တွေ့တဲ့အခါမှာရော နိုင်ငံရေးပြုပြင် ပြောင်းလဲမှုတွေ ဖြစ်ပေါ်အောင် တိုက်တွန်းနေကြလိမ့်မယ် ဆိုတာကို သူ ယုံကြည်တဲ့အကြောင်းကိုလည်း သံအမတ်ကြီး စကော့မာရှယ်လ် က ပြောပါတယ်။
ရည်ညွန်း ။ ။
http://www.voanews.com/burmese/2009-02-28-voa6.cfm
Wednesday, February 25, 2009
ဧရာဝတီ သတင်းဌာနအား တရားစွဲမည်

ဦးကျော်မြင့်
ညီညွတ်သော ဒီမိုကရက်တစ် ပါတီ (UDP)၏ ခေါင်းဆောင် ဦးကျော်မြင့် (ခေါ်) မိုက်ကယ်ဟွာဟူက ယနေ့နံနက်ပိုင်းက ထုတ်လွှင့်သည့် VOA အသံလွှင့်ဌာနနှင့် ဆက်သွယ် မေးမြန်းခန်းတွင် ယင်းသို့ ပြောကြားလိုက်ခြင်း ဖြစ်သည်။“ကျနော် ဘိန်းသမားပေါ့ သူက ရေးတယ်၊ နံပတ်တစ်။ နံပတ်နှစ်က ကျနော် မန်းနီးလောင်ဒရင်း (ငွေကြေးခ၀ါချမှု)တဲ့။ … သူ စွပ်စွဲတယ်။ … အဲဒီ နှစ်ခုကို ယူပြီးတော့ ကျနော်က ယိုးဒယား တရားရုံးမှာ ကျနော် တရားစွဲမယ်” ဟု ဦးကျော်မြင့်က ဆိုသည်။“အခု ယိုးဒယား ရှေ့နေတွေ အခု စာရွက်တွေ ပြင်နေပါတယ်။ ကျနော် ထင်တယ် ဒီလ ကုန်ခါနီး ဆိုရင် တရားရုံး အထိ ရောက်ပြီလို့ ကျနော် ထင်ပါတယ်။ အခုတော့ စာရွက် စာတမ်းတွေ ပြင်ဆင်နေပါတယ်” ဟု ၎င်းက ဆက်လက် ပြောလိုက်သည်။ဦးကျော်မြင့်သည် အပစ်ရပ် တိုင်းရင်းသား လက်နက်ကိုင် အဖွဲ့ တခု ဖြစ်သည့် ဝ ပြည် သွေးစည်း ညီညွတ်ရေး တပ်မတော် (UWSA)၏ ဘဏ္ဍာရေး ဌာနတွင် တာဝန်ယူခဲ့ဖူးသည်ဟု သိရသည်။ ဦးကျော်မြင့်ကမူ “တာဝန်ဆိုတာ တကယ် သူတို့ထဲမှာ ဝင်တာ မဟုတ်ဘူး။ သူတို့ကို ကူညီပေးတာပါ” ဟု ဆိုသည်။ UWSA သည် မူးယစ်ဆေး ထုတ်လုပ်ရေး လုပ်ငန်း လုပ်ကိုင်သည်ဟု နာမည်ကြီးသော လက်နက်ကိုင် အဖွဲ့ကြီး ဖြစ်သည်။ သို့သော်လည်း ၎င်းတို့ဒေသတွင် ဘိန်းစိုက်ပျိုးမှု ပပျောက်သွားပြီ ဖြစ်ကြောင်း မကြာသေးမီ နှစ်များအတွင်းက နိုင်ငံတကာသို့ ကြေညာခဲ့သည်။ဦးကျော်မြင့်နှင့် ပတ်သက်ပြီး ဧရာဝတီတွင် ရေးသားထားချက်များမှာ Asiaweek မဂ္ဂဇင်း၊ Jane's Intelligence Review တို့တွင် ဖော်ပြထားချက်များကို ကိုးကားထားခြင်း ဖြစ်သည်။မြန်မာစစ်အစိုးရက ဦးကျော်မြင့်၏ မြန်မာ ကျုံယွမ် ကုမ္ပဏီကို နာမည်ပျက်စာရင်း သွင်းခဲ့သည်၊ အဘယ်ကြောင့် ဆိုသော် “UWSA ၏ ဘဏ္ဍာရေးဌာန ဒုတိယ ဌာနမှူးဟု ဆိုသော မိုက်ကယ်ဟွာဟူ (ခေါ်) ဗိုလ်မှူးကျော်မြင့်သည် စီးပွားရေး ဆိုင်ရာ ဥပဒေ နှင့် စည်းကမ်းများကို ပြောင်ပြောင် တင်းတင်း ချိုးဖောက်ခဲ့သည်” ဟု Jane’s ထောက်လှမ်းရေး စာစောင်က ၁၉၉၈ နိုဝင်ဘာလတွင် ဖော်ပြခဲ့သည်။ဆက်လက်ပြီး ထိုစာစောင်က “UWSA ခေါင်းဆောင်များနှင့် စစ်အစိုးရ ခေါင်းဆောင် ဒုတိယ ဗိုလ်ချုပ်ကြီး ခင်ညွန့်တို့ တွေ့ဆုံပြီးနောက်တွင် ၀န်ကြီးတဦးဖြစ်သူ ဗိုလ်မှူးချုပ် ဒေးဗစ်အေဘယ်သည် အခြား ရာထူးတာဝန်တခုသို့ ရွှေ့ပြောင်းခံခဲ့ရသည်” ဟု ဆိုသည်။ထိုအချိန်တွင် ဦးကျော်မြင့်သည် အမေရိကန် ပြည်ထောင်စု အစိုးရ၏ စောင့်ကြည့်ခြင်းကို ခံနေရသည်။ အမေရိကန် နိုင်ငံခြားရေး ၀န်ကြီးဌာန၏ ၁၉၉၈ ခုနှစ်ထုတ် နိုင်ငံတကာ မဟာဗျူဟာ မူးယစ် ဆေးဝါး ထိန်းချုပ်မှု အစီရင်ခံစာတွင် စစ်အစိုးရက ဦးကျော်မြင့်၏ မြန်မာ ကျုံယွမ် ကုမ္ပဏီကို ဖျက်သိမ်းခဲ့ကြောင်း ဖော်ပြထားသည်။ သို့သော်လည်း စစ်အစိုးရက အဆိုပါ အရေးယူမှုကို မူးယစ်ဆေးဝါး တိုက်ဖျက် နှိမ်နင်းရေး အစီအစဉ်အရ ပြုလုပ်ခဲ့ကြောင်း ဖော်ပြခြင်း မရှိခဲ့ပါ။ “ယခင် UWSA တပ်ဖွဲ့၏ အကြီးတန်းအရာရှိဖြစ်ခဲ့သူ ကုမ္ပဏီ၏ ဥက္ကဋ္ဌသည် နောက်ပိုင်းတွင် ထောင်ဒဏ် ၉ နှစ် ချမှတ်ခြင်း ခံရကြောင်း သိရှိရသည်”ဟု အစီရင်ခံစာက ဆိုသည်။VOA အသံလွှင့်ဌာနနှင့် ဆက်သွယ် မေးမြန်းခန်းတွင်လည်း ဦးကျော်မြင့်က ၎င်းသည် ထောင်ဒဏ် ၉ နှစ် ချမှတ်ခံရသည်ဟု ပြောကြားခဲ့သည်။မြန်မာပြည် နိုင်ငံရေးနှင့် ပတ်သက်သည့် အကြံပြုစာ တစောင်ကို စစ်အစိုးရသို့ ပေးပို့ခဲ့သဖြင့် ထောင်ကျခဲ့ခြင်း ဖြစ်သည်ဟု ဦးကျော်မြင့်က ဆိုသည်။ဦးကျော်မြင့်က ၎င်းသည် အကျဉ်းကျခံရစဉ် မန္တလေး ဆေးရုံမှ ထွက်ပြေးခဲ့ကြောင်း၊ ထို့နောက် ထိုင်းနိုင်ငံမှတဆင့် မြောက်အမေရိကသို့ ရောက်ရှိခဲ့သည်ဟု ဆိုသည်။Asiaweek မဂ္ဂဇင်းက မြန်မာကျုံယွမ်သည် ငွေမည်း ခဝါချသည့် လုပ်ငန်းများနှင့် ဆက်နွယ်နေသည့် ကုမ္ပဏီ အဖြစ် စွပ်စွဲခံနေရကြောင်း ၁၉၉၈ခုနှစ် ဇန်နဝါရီလတွင် ရေးသားခဲ့ကြောင်း ဧရာဝတီက ပြီးခဲ့သည့် ဒီဇင်ဘာလတွင် ကောက်နုတ်ဖော်ပြခဲ့သည်။ဦးကျော်မြင့်ကမူ မြန်မာကျုံယွမ်ကို ကျောက်စိမ်းလုပ်ငန်း၊ သစ်လုပ်ငန်း၊ သတ္ထု တူးဖော်ရေး လုပ်ငန်းတို့မှ ရသည့် ငွေများဖြင့် တည်ထောင်ခဲ့သည်ဟု VOA ဆက်သွယ်မေးမြန်းခန်းတွင် ယနေ့ ပြောကြားလိုက်သည်။၎င်းအနေဖြင့် မူးယစ်ဆေး လုပ်ငန်း၊ ငွေမည်း ခဝါချသည့် လုပ်ငန်းများနှင့် ဆက်နွယ်မှု လုံးဝ မရှိကြောင်းကိုလည်း အကြိမ်ကြိမ် ငြင်းဆိုသွားသည်။မကြာသေးမီက ဦးကျော်မြင့်သည် လာမည့်နှစ်တွင် ပြုလုပ်မည်ဟု ဆိုသော ရွေးကောက်ပွဲတွင် ပါဝင်ရန် UDP ပါတီကို ဖွဲ့စည်း ထူထောင်ထားသည်။ ၎င်းသည် ပါတီ၏ “နိုင်ငံခြားတာဝန်ခံ”ဖြစ်ကြောင်း၊ မြန်မာပြည်တွင်းရှိ ဝါရင့် နိုင်ငံရေးသမား ဦးသုဝေ၊ ထင်ရှားသည့် စီးပွားရေးသမား ဦးရဲထွန်းတို့သည် ပါတီခေါင်းဆောင်များ ဖြစ်ကြောင်း သိရသည်။၎င်း၏ အဆိုအရ UDP အား လာမည့်နှစ်တွင် ရွေးကောက်ပွဲဝင်ရန် စစ်အစိုးရက ဝါရှင်တန်မြို့ မြန်မာသံရုံးမှ တဆင့် ကမ်းလှမ်းခဲ့သည်ဟု သိရသည်။“၂ဝ၁ဝ ခုနှစ်မှာ ရွေးကောက်ပွဲဝင်ဖို့ သဘောတူတဲ့ တရားဝင်စာ ကျနော်တို့ဆီ ရောက်လာပါတယ်” ဟု ဦးကျော်မြင့်က ဆိုသည်။
ကိုးကား ။ဧရာဝတီမှာ ကူးယူဖော်ပြပါသည် ။
ဖတ်မိသမျှ သတင်းများ
ဦးကျော်မြင့်
အဆိုပါ ခေါင်းဆောင်မှာ ညီညွတ်သော ဒီမိုကရက်တစ် ပါတီ (UDP) ဒုဥက္ကဋ္ဌ ဦးကျော်မြင့် ဖြစ်ကြောင်း၊ ဝ ပြည် သွေးစည်း ညီညွတ်ရေး တပ်မတော် (UWSA)၏ ဘဏ္ဍာရေးဌာနတွင် ဒုတိယဌာနမှူးအဖြစ် ဦးကျော်မြင့် တာဝန်ယူခဲ့စဉ်က ထိုလုပ်ငန်းများကို လုပ်ကိုင်ခဲ့ခြင်း ဖြစ်ကြောင်း ဦးအောင်လင်းထွဋ်က ဆိုသည်။
ထိုအချိန်က မြန်မာကျုံယွမ် ကုမ္ပဏီကို တည်ထောင်ပြီး၊ UWSA အဖွဲ့က စီးပွားရေးဘဏ် ၄ ခုကို ကျောထောက် နောက်ခံ ပြုပေးခဲ့သည်ဟု ဦးအောင်လင်းထွဋ်က ဆိုသည်။
Asiaweek မဂ္ဂဇင်းကလည်း မြန်မာကျုံယွမ်သည် ငွေမည်း ခဝါချသည့် လုပ်ငန်းများနှင့် ဆက်နွယ်နေသည့် ကုမ္ပဏီ အဖြစ် စွပ်စွဲခံနေရကြောင်း ၁၉၉၈ခုနှစ် ဇန်နဝါရီလတွင် ရေးသားခဲ့သည်။
မြန်မာစစ်အစိုးရက အဆိုပါ ကုမ္ပဏီကို နာမည်ပျက်စာရင်း သွင်းခဲ့သည်၊ အဘယ်ကြောင့် ဆိုသော် “UWSA၏ ဘဏ္ဍာရေးဌာန ဒုဝန်ကြီးဟု ဆိုသော မိုက်ကယ်ဟွာဟူ (ခေါ်) ဗိုလ်မှူးကျော်မြင့်သည် စီးပွားရေးဆိုင်ရာ ဥပဒေ နှင့် စည်းကမ်းများကို ပြောင်ပြောင် တင်းတင်း ချိုးဖောက်ခဲ့သည်” ဟု Jane’s ထောက်လှမ်းရေး စာစောင်က ၁၉၉၈ နိုဝင်ဘာလတွင် ဖော်ပြခဲ့သည်။ ဦးကျော်မြင့်သည် ယခုအခါ ကနေဒါနိုင်ငံတွင် နေထိုင်လျက်ရှိသည်။
မြန်မာနိုင်ငံတွင် ရှိစဉ်က ဦးကျော်မြင့်သည် ဥပဒေ စည်းမျဉ်းများ ချိုးဖောက်မှု နှင့် ငွေကြေး မသမာမှုများကြောင့် ထောင်ဒဏ် ၁ဝ နှစ်ခန့် ချမှတ်ခံခဲ့ရသည်ဟု ဦးအောင်လင်းထွဋ်က ဆိုသည်။
“တကယ်တော့ ဦးကျော်မြင့်က ထောင်ပြေးပါ၊ - - - ရဲဘက်စခန်းကနေ ထိုင်းနိုင်ငံဘက်ကို ထွက်ပြေးသွားတယ်လို့ သိရပါတယ်” ဟု ဦးအောင်လင်းထွဋ်က ပြောကြားခဲ့သည်။
ဦးကျော်မြင့်သည် ကနေဒါနိုင်ငံတွင် မကြာသေးမီကမှ အာရုံစိုက်ခြင်း ခံခဲ့ရသူဖြစ်သည်။ ပြီးခဲ့သည့်လကုန်ပိုင်းတွင် Future Canada China Environment Inc. ကုမ္ပဏီ၏ အစုရှယ်ယာတန်ဖိုး ဒေါ်လာ ၁ ဘီလျံမက တက်သွားသည့်အတွက် အမေရိကန် ပြည်ထောင်စုက အဆိုပါ ကုမ္ပဏီကို တားမြစ် ပိတ်ပင်ခဲ့ခြင်းဖြစ်သည်။
ဦးကျော်မြင့်ကုမ္ပဏီနှင့် ပူးပေါင်းလိုက်ပြီး ရှယ်ယာတန်ဖိုးများ ခုန်တက်သွားခဲ့ခြင်း ဖြစ်ကြောင်း ကနေဒါနိုင်ငံထုတ် Vancouver Sun သတင်းစာက ဆိုသည်။
“Future Canada China Environment Inc. ၏ လုပ်ငန်းများကို ယာယီ ပိတ်သိမ်းလိုက်ကြောင်း၊ အဆိုပါ ကုမ္ပဏီ၏ အစုရှယ်ယာ တန်ဖိုးများမှာ ဝ.၉၂ ဒေါ်လာ မှ ၂၈.၅ဝ ဒေါ်လာအထိ ခုန်တက်သွားသောကြောင့် စုံစမ်းစစ်ဆေးမှုများ ပြုလုပ်နေကြောင်း” စသဖြင့် အမေရိကန် ပြည်ထောင်စု၏ ငွေကြေး လဲလှယ်မှု ကြီးကြပ်ရေး ကော်မရှင်၏ ဇန်နဝါရီလ ၂၈ ရက်နေ့ ကြေညာချက်တွင် ဖော်ပြထားသည်။
ကော်မရှင်က အဆိုပါ ကုမ္ပဏီ၏ နောက်ခံ အချက်အလက်များ၊ ထုတ်ပြန်မည့် သတင်းများနှင့် ပတ်သက်ပြီး ဂရုပြုကြရန် စတော့ရှယ်ယာ ပွဲစားများ၊ ရှယ်ယာပိုင်ရှင်များ၊ ရှယ်ယာဝယ်ယူမည့်သူများကို သတိပေးထားသည်။
“အဆိုပါ ကုမ္ပဏီတွင် ပိုင်ဆိုင်မှု အနည်းငယ်သာ ရှိပြီး လုပ်ငန်း လည်ပတ်မှုလည်း မရှိပါ” ဟု ဖေဖော်ဝါရီ ၄ ရက်နေ့ထုတ် Vancouver Sun သတင်းစာက ဆိုသည်။
ဦးကျော်မြင့်သည် ကနေဒါ အခြေစိုက် ကုမ္ပဏီ NAH Development Group Inc., ကို ပိုင်ဆိုင်သူဖြစ်သည်။
ဧရာဝတီမဂ္ဂဇင်းက ရေးသားထားချက်များနှင့် ပတ်သက်ပြီး ဦးကျော်မြင့်က ၎င်းအနေဖြင့် မူးယစ်ဆေးဝါးလုပ်ငန်း၊ ငွေမည်းခဝါချမှု လုပ်ငန်းများနှင့် ဆက်နွယ်မှု မရှိပါဟု ငြင်းဆိုထားသည်။
“ကျွန်ုပ် ဦးကျော်မြင့်သည် ဘဝတလျှောက်လုံး တရားမဝင် မူးယစ်ဆေးဝါး လုပ်ငန်း၊ ငွေကြေး ခဝါချမှု လုပ်ငန်းများနှင့် မည်သည့်အခါကမျှ ပတ်သက် ဆက်နွယ်မှုမရှိခဲ့ပါ” ဟု ၎င်း၏ အင်တာနက် စာမျက်နှာရှိ ကြေညာချက် တစောင်တွင် ဖော်ပြထားသည်။
“မြောက်အမေရိကတိုက် နှင့် အာရှတိုက်ရှိ ကျွန်ုပ်၏ လုပ်ငန်းများ အားလုံးမှာ တရားဝင်လုပ်ငန်းများဖြစ်သည်” ဟု ကြေညာချက်က ဆိုသည်။
မကြာသေးမီက ဦးကျော်မြင့်သည် လာမည့်နှစ်တွင် ပြုလုပ်မည်ဟု ဆိုသော ရွေးကောက်ပွဲတွင် ပါဝင်ရန် UDP ပါတီကို ဖွဲ့စည်း ထူထောင်ထားသည်။
မြန်မာပြည်တွင်းရှိ ဝါရင့် နိုင်ငံရေးသမား ဦးသုဝေ၊ ထင်ရှားသည့် စီးပွားရေးသမား ဦးရဲထွန်းတို့ ကို ပါတီ၏ ဥက္ကဋ္ဌ၊ ဒုဥက္ကဋ္ဌ များအဖြစ် တာဝန်ပေးလိုက်ကြောင်း ပြီးခဲ့သည့် လကုန်ပိုင်းက ထုတ်ပြန်ကြေညာခဲ့သည်။
ဦးကျော်မြင့်သည် ပြည်ပမှနေ၍ ငွေကြေး ထောက်ပံ့ပေးခဲ့ခြင်းဖြင့် ထင်ရှားသည့် နိုင်ငံရေးသမားများကို ပါတီတွင် တာဝန်ယူရန် စည်းရုံးနေကြောင်း ပြည်ပရောက် အတိုက်အခံများက ပြောဆိုနေကြသည်။
ပါတီ အဖွဲ့ဝင်စာရင်းတွင် ဝန်ကြီးချုပ်ဟောင်း ဦးကျော်ငြိမ်း၏ သမီးဖြစ်သူ ဒေါ်ချိုချိုကျော်ငြိမ်း၏ အမည်ကို တွေ့ရသည် ဟူသော သတင်းများ ထွက်ပေါ်ခဲ့သော်လည်း ဒေါ်ချိုချိုကျော်ငြိမ်းကမူ UDP ပါတီနှင့် ပတ်သက်ခြင်း မရှိကြောင်း ငြင်းဆိုထားသည်။
ကျောင်းသားခေါင်းဆောင်ဟောင်း ဦးထွန်းအောင်ကျော်ကလည်း ပါတီတွင် ၎င်း ပါဝင်ခြင်း မရှိကြောင်း ငြင်းဆိုထားသည်။
“သူ့ရဲ့ အကျိုးစီးပွားတွေ မြန်မာပြည်ထဲမှာ ရှိနေပါဦးမယ်၊ ဒါ့အပြင် သူနဲ့ ပတ်သက်ရာ ပတ်သက်ကြောင်း ဖြစ်ခဲ့တဲ့သူတွေ၊ တချို့လည်း လူကြီးတွေ ဖြစ်နေကြပါပြီ။ သူ့ကို မြန်မာအစိုးရကများ လွတ်ငြိမ်း ချမ်းသာခွင့်များ ပေးလေမလား ဆိုပြီး ပြန်ပြီးတော့ ချည်းကပ်တယ်လို့ ထင်ပါတယ်” ဟု ဦးအောင်လင်းထွဋ်က ဗီအိုအေ နှင့်ဆက်သွယ်မေးမြန်းခန်းတွင် ပြောကြားခဲ့သည်။
ဦးကျော်မြင့်သည် တရုတ်လူမျိုးဖြစ်သည်ဟု ဦးအောင်လင်းထွဋ်က ပြောသည်။ သို့သော်လည်း ဦးကျော်မြင့်က ၎င်းသည် မြန်မာပြည်မှ ကချင်တိုင်းရင်းသားဖြစ်သည်ဟု ၎င်း၏ အင်တာနက်စာမျက်နှာတွင် ဖော်ပြထားသည်။
ကိုးကား ။ ။ ဧရာဝတီhttp://www.irrawaddy.org/bur/ မှာကူးယူဖော်ပြပါသည် ။