Friday, February 20, 2009

ကမ္ဘာ့ခေတ်ပြိုင် စာရေးဆရာအညွန်း


အာရာဗင်းအဒီဂါကို ၁၉၇၄ ခုနှစ် အောက်တိုဘာလ ၂၃ ရက်တွင် အိန္ဒိယနိုင်ငံ မဒရက်မြို့တွင်
မွေးဖွားခဲ့သည် ။ မိဘများမှာ မာဒါဘာအဒီဂါ နှင့် အူရှားအဒီဂါတို့ဖြစ်သည် ။ သူတို့သည် ကာနာတာကာ ရှိ မန်ဂလိုမြို့မှာဖြစ်ကြသည် ။ အာရာမင်းဒီဂါသည် မန်ဂလိုမြု့မှပင် ကြီးပြင်းခဲ့ကြပြီး
ကာနာ အထက်တန်းကျောင်းတွင် ပညာသင်ကြားခဲ့ကြသည် ၊ ထို့နောက် စိန့်အလွိုက်စီးယက်အထက်
တန်းကျောင်းသို့ ပြောင်းရွှေ့သင်ကြားခဲ့ကြသည် ။ ၁၉၉၀ ခုနှစ်တွင် အက်အက်စ်အယ်လ်စီ ခေါ် တန်း
မြင့် စာမေးပွဲကို အောင်မြင်ခဲ့သည် ။ ထိုစာမေးပွဲတွင် ပထမရခဲ့၏ ၊ သူတို့မိသားစုသည် သြစတြေးလျ
ဆစ်ဒနီသို့ ပြောင်းရွှေ့နေထိုင်ခဲ့ကြသည် ၊ သူသည် ဂျီန်းရုစ်စိုက်ပျိုးရေး အထက်တန်းကျောင်းတွင်
ပညာသင်ကြားခဲ့ပြန်သည် ၊ ထိုကျောင်းမှာ အောင်မြင်ပြန်သောအခါ နယူးယောက်ရှိ ကိုလံဘီယာ
တက္ကသိုလ် ၊ ကောလိပ်တို့တွင် အင်္ဂလိပ်စာကို အထူးပြုဘာသာအဖြင့် သင်ကြားခဲ့ပြန်သည် ။ သူသည်
ဆိုင်မွန်ရှားမားနှင့် အတူ ပညာသင်ကြားခြင်းဖြစ်၏ ။ ထိုနောက် အောက်စဖို့ဒ်တက္ကသိုလ် ၊ မက်ဒါလင်
ကောလိပ်တို့တွင် ပညာသင်ကြားခဲ့ပြန်သည် ၊ သူ၏နည်းပြဆရာများတွင် ဟာမီယွန်လေလည်း ပါဝင်
လေသည်။

အဒီဂါသည် သတင်းစာသင်တန်းသို့လည်း တက်ရောက်ခဲ့၏ ၊ ပထမဆုံးသူသည် စီးပွားရေးသတင်း
စာဆရာတစ်ယောက်ဖြစ်ရန် ကြိုးပမ်းခဲ့သည် ။ ဖိုင်နယ်ရှယ်တိုင်း ( Financial Times ) သတင်းစာကြီး
တွင် လုပ်ကိုင်ခဲ့၏ ။ သတင်းအတိုအထွာများကို ထိုသတင်းစာကြီးတွင်ရေး၏ ။ ထို့နောက် ဝေါစထရိ
ဂျာနယ်နှင့် မန်းနီးဂှာနယ်တို့တွင်လည်း ၀င်ရောက်လုပ်ကိုင်ခဲ့လေသည် ။ သူကစတော့ဈေးကွတ်နှင့်
ရင်းနှီးမြုတ်နှံမူ သတင်းများကို ရေးသားခဲ့သလို ဒေါ်နယ်ထရန့်လို ပုဂ္ဂိုလ်များနှင့်လည်း တွေ့ဆုံမေးမြန်း
ခန်းများပြုလုပ်ခဲ့လေသည် ။ ယခင်က ဘွတ်ကာစာပေဆုရရှိခဲ့ကြသော ပီတာကာရေး၏ အော်စကာနှင့်
လူဇင်တာ စာအုပ်ကို သုံးသတ်ချက်ရေးခဲ့ဘူးလေသည် ။ ထို့နောက် သူသည် အင်တာနက်ထဲတွင်
စာပေသုံးသတ်ချက် အခန်းတခန်းကို ရေးခဲ့၏ ၊ ထိုအခန်း၏ အမည်မှာ The Second Circle ဖြစ်၏ ။
သူ့ကို တိုင်းမဂ္ဂဇင်းက မကြာခဏ ဌားရမ်း၍အလုပ်လုပ်ခိုင်းသည် ၊ သူသည် အရှေ့တောင်အာရှ
သတင်းထောက်အဖြစ် ( ၃ ) နှစ်လောက်လုပ်ခဲ့ပြီးတော့ လွတ်လပ်သော သတင်းစာဆရာအဖြစ် လုပ်
ကိုင်ခဲ့လေသည် ။ ထိုသို့နေထိုင်နေရင်း သူသည် ကျားဖြူ ( The White Tiger ) စာအုပ်ကို ရေးသား
ခဲ့လေသည် ၊ ယခု အိန္ဒိယနိုင်ငံ မွင်ဘိုင်းမြို့တွင် နေထိုင်လေသည် ။

ကျားဖြူဝတ္တုသည် အာရာဗင်းအဒီဂါ၏ ပထမဆုံး ၀တ္တုလည်းဖြစ်သည် ။ ထိုဝတ္တုကပင် ဘွတ်ကာဆုကို
၂၀၀၈ ခုနှစ်တွင် ရရှိခဲ့သည် ၊ မင်း(န်)ဘွတ်ကာဆု ရရှိခဲ့သော လေးယောက်မြောက် အိန္ဒိယနိုင်ငံဖွား
အိန္ဒိယလူမျိုး စာရေးဆရာဖြစ်သည် ၊ ထိုလေးယောက်မှာ ဆဲလ်မန်ရက်ရ်ှဒီ ၊ အရွန်ဒါတီရွှန်း ၊
ကီရန်ဒေဆိုင်း နှင့် အာရာဗင်ဒီဂါတို့ဖြစ်သည် ။ ၂၀၀၈ခုနှစ် မင်း(န်)ဘွတ်ကာဆုတွင် ဆန်ကာတင်
အရွှေးခံရသူ နောက်တပ်စာရေးဆရာ ၅ ဦးရှိပါသည် ၊ ထိုအထဲတွင် အမီတက်ဗ်ဂို့ရ်ှသည် ( Glass
Palace ) ၀တ္တုကြီးကို ရေးသားသူ နှင့် ပထမဆုံးအကြိမ် ၀တ္တုရေးသားခဲ့သော စာရေးဆရာ စတိတ်
တော့ဇ် တို့လည်းပါဝင်ကြပါသည် ။ အာရာဗင်းအဒီဂါ၏ ဆုရ ကျားဖြူဝတ္တုမှာ ခေတ်သစ် ကမ္ဘာစီးပွား
ရေးတွင် အိန္ဒိယနိုင်ငံ နိုးထလာခြင်းနှင့် အိန္ဒိယလူနေမူစနစ်တို့ကြား ပဋိပက္ခဖြစ်ပေါ်မူကို အခြေခံ၍
ရေးဖွဲ့ခဲ့ခြင်းဖြစ်သည် ။
ထိုဝတ္တု၏ အဓိကဇာတ်ကောင်မှာ ဆင်းရဲမွဲတေလှသော အိန္ဒိယကျေးလက်ဒေသမှ ရောက်ရှိလာသည့်
ဘဲလ်ရန်ဆိုသော လူငယ်လေဒတစ်ယောက်၏ အကြောင်းဖြစ်လေသည်..။

Ref : : ဆရာမောင်ရိုး ကမ္ဘာ့ခေတ်ပြိုင် စာရေးဆရာအညွန်း ( မြန်မာသစ်မဂ္ဂဇင်း ၊ တွဲ ၄ )

No comments:

Post a Comment